"Уяв"ны да гөрләтеп уздырдык

— "Уяв" бәйрәме элек-электән мул уңыш сорап гыйбадәт кылудан башланган, аннан соң корбан чалу белән дәвам иткән, чама белән бер атнадан яңгыр сорап гыйбадәт кылу белән төгәлләнгән. Бу вакыт аралыгында җир эшләре башкару, караңгы төсләрдәге һәм чуар тукымадан тегелгән киемнәр кию, кер юу, биналарны җыештыру һәм юу тыела. Шулай ук ут кабызу, самавар кую, кайнар азык ашау рөхсәт ителми. Алдан әзерләгән ризыкны җылытмыйча ашыйлар. Әлеге барлык йола, гореф-гадәтләр бүгенге бәйрәмебездә тәкьдим ителде, - дип сөйләде безгә Әлки районы мәдәният бүлеге мөдире Рәсимә Гайфуллина. 

1993 елдан Татарстан Республикасы Мәдәният министрлыгы һәм Чуаш милли-мәдәни автономиясе ярдәме белән Татарстан Республикасында ел саен (2006 елдан Нурлат районында) республика күләмендә «Уяв» чуаш милли бәйрәме уздырылып килгән.

Әлки районында Татарстан Республикасы Президенты Рөстәм Миңнеханов Әлки районында узган чуаш мәдәниятенең "Уяв" республика бәйрәмендә кунак булды.  КПРФ лидеры Геннадий Зюганов, Ульяновск өлкәсе Губернаторы Алексей Русских, Чуаш Республикасы Башлыгы Олег Николаев, ТР Дәүләт Советы Рәисе Фәрит Мөхәммәтшин, «Звениговский» АХК рәисе Иван Казанковның әлеге бәйрәмдә катнашуы бәйрәмнең ничаклы дәрәҗәле булуына ишарә булды.  

Төп бәйрәм мәйданчыгына Рөстәм Миңнеханов чуаш милли киемендә килде. Президент һәм республика кунаклары 19 нчы гасыр крестьян йортларын торгызган тарихи кварталны карадылар. Биредә алар чуаш халкының традицион көнкүреше белән танышты.

Шуннан соң Миңнеханов һәм 8 өйчектә булдылар, аларның һәрберсендә чуаш йоласы торгызылган иде. Моннан тыш республика кунаклары  «СССРга 100 ел» яңа паркын карадылар, биредә Юрий Гагарин, Андриян Николаевка монументлар куелган. 

Шунысы игьтибарга лаек, Россиянең төрле төбәкләреннән килгән иҗат коллективлары белән 10меңнән артык кеше катнашты әлеге бәйрәмдә.