"Нинди җүнсез мультфильм карыйсың син? Бу кадәр телевизор карыйлар мени? Көнозын телевизор карыйсыз!" Җырчы Венера Шәмиева социаль челтәрдә балаларны тәрбияләү буенча үз тәҗрибәсе белән уртаклашкан.
“Безнең авылда моннан күп еллар элек мондый хәл булды: телевизордан куркыныч күренеш күргән 2 яшьлек бала кинәт авырый башлый. Бу балага бик озак диагноз куя алмыйлар, озак кына тикшеренүләрдән соң, балада шикәр авыруы (сахарный диабет) икәнлеге ачыклана. 2 яшьлек балада! Табибларның канны шикәргә тикшерергә башына да килми, чөнки бала бик нәни була.
Бу бала инде үсеп җитеп бүгенге көндә үзе дә әни булды, Аллага шөкер.
Бүген телевизорда каналны күчергәндә бер мультфильмдагы куркыныч җанварны күреп алдым, 2 генә секунд күреп алсам да, әле дә хәтердә. Шуңа күрә Сезнең белән бүлешергә булдым. ⠀
Без үзебез телевизордан хайваннар дөньясы, чит ил кешеләренең тормышы турындагы каналларны гына карыйбыз. Малайлар мин рөхсәт иткән мультфильмнарны гына карыйлар (бу әтиләренең әмере). ⠀
"Нинди җүнсез мультфильм карыйсың син? Бу кадәр телевизор карыйлар мени? Көнозын телевизор карыйсыз!" ⠀
Мондый сораулар Сезнең өйдә яңгырый икән – бу пост Сезнең өчен!
Шуны аңларга кирәк: балаларның вакытына без хуҗа һәм моның өчен балалар түгел, ә әти-әниләр (бигрәк тә әни) җаваплы. Һәм балалар контрольсез теләгән нәрсәләрен карыйлар икән- димәк, өйдә тиешле кагыйдәләр куелмаган, шуңа күрә гаебен балалардан түгел, үзебездән эзләргә кирәк. ⠀
Миннән бик еш әңгәмәләрдә: "Балаларыгызга гаджетлар бирәсезме? Ни кадәр?" – дип сорыйлар. ⠀⠀
Безнең өйдә, мәсәлән Җәлил, телевизорны көненә 30 минут карый ала, IPad та шимбә һәм якшәмбе яртышар сәгать уйный ала һәм без ял көнендә атнасына 1 мәртәбә 1.5-2 сәгатьлек фильм карыйбыз”, – дип язган ул инстаграм битендә. ⠀
Дәүләткә рөхсәт күбрәк, әмма ул Җәлил өйдә булмаганда, йә йоклаганда гына фильм карый/уйный ала. ⠀⠀
Безнең бу кагыйдәләрне 100% үти алмыйбыз әлегә, ләкин кагыйдәне бозган көннәребез, Аллага шөкер, бик аз. Кагыйдәне бозган көннәр –ул мин арыган көннәр, чөнки бар нәрсәне дә контрольдә тотар өчен әни "ресурслы" булырга тиеш. Андый вакытларда мин кулларына гаджет тоттырам, яки атна уртасында фильм куям да, үз бүлмәбезгә кереп ял итәм. ⠀
Алай эшләмәсәм, малайлар үз тәбигатьләренә күрә, башка вакытларда тавышлы уйныйлар, ә алай мин ял итә алмыйм. Ләкин безнең андый көннәребез бик-бик сирәк була хәзер”.
Иң мөһим һәм кызыклы язмаларны Татмедиа Telegram-каналында укыгыз
