Язгы боз ястык калынлыгы кадәр булса да ышанма, диләрме әле? Хәер, күпләрне бу куркытмый бугай, аеруча балыкчыларны. Боз өстенә су чыкса да, елгалардан балыкчыларның өзелгәне юк, бәкеләр тишеп балык тоталар.
Скопировать ссылку
Язгы боз ястык калынлыгы кадәр булса да ышанма, диләрме әле? Хәер, күпләрне бу куркытмый бугай, аеруча балыкчыларны. Боз өстенә су чыкса да, елгалардан балыкчыларның өзелгәне юк, бәкеләр тишеп балык тоталар.
Узган ялларда Актаныш районы Азакүл авылы янындагы Белая елгасында 8 балыкчы боз белән бергә ярдан 50 метр ераклыкка йөзеп киткән. Актанышның янгын сүндерү-коткару гарнизоны, Башкорстаннан оператив төркем аларны вакытында коткарып калган. Зыян күрүчеләр юк.
Чаллыда узган шимбәдә бер ир-ат боз астына төшеп бата башлаган, дип хәбәр итә Татарстанның Гадәттән тыш хәлләр министрлыгы. 33 яшьлек ир-атны судан чыгарып, тиз арада хастаханәгә илткәннәр.
Балыкчылардан тыш та, юлны кыскартам, дип боз өстенә чыгучылар җитәрлек. Язгы боз балаларны да үзенә җәлеп итә. Әмма, язгы боз кеше гомере өчен зур куркыныч тудыра, дип кисәтә коткаручылар. Бәла-казаларны кисәтү өчен Гадәттән тыш хәлләр министрлыгы төрле районнарда, мәктәпләрдә аңлату эшләре алып бара. Балыкчыларны да кисәтәләр. Боз астына төшеп китсәң, батканда нәрсә эшләргә кирәклеге турында белешмәлекләр тараталар. Кече күләмле суднолар дәүләт инспекциясе хезмәткәрләре сулыкларны күзәтә.
Комментарийлар