#Язмыш 15 апреля 2023, 10:10

Бертуган абыем мине күрә алмый

15 апреля 2023, 10:10

Ә бит без аның белән туганнар гына түгел, бик якын дуслар идек. Абый миннән ике яшькә генә олырак, шуңа да яшь аермасы әллә ни сизелмәде. Кая гына барсак та, гел бергә булдык.

Скопировать ссылку

Абый минем группадаш кызга өйләнде. Мин аларны махсус таныштырмадым, димләмәдем. Гөлүсә – иң якын дустым иде. Өчәү еш күрешкәч, бер-берсен ошатып йөри башладылар. Әмма Гөлүсә без уйлаганча тәртипле, тыйнак булып чыкмады. Абыйны үзенә өйләндерде дә, берничә айдан соң ук сулга йөри башлады. Абый моны тиз белде, бер ел да яшәмәделәр, аерылыштылар.

Бу хәлләрдә абый бары тик мине генә гаепли. Әгәр дә мин Гөлүсәнең чын йөзен белгән булсам, аны абый янына якын китермәс идем. Күрә торып аңа өйләндерер идеммени соң? Абый мине ишетергә дә, күрергә дә теләми. Ул хәзер тирән депрессиядә, үз эченә бикләнде. Гөлүсә белән дә аралашмыйбыз. Абыем белән араларны ничек җайларга?