#Язмыш 26 мая 2023, 16:04

"Карчыгым минем кем икәнемне дә белми..."

26 мая 2023, 16:04

Яшь барган саен сырхауханә юлларын ешрак таптарга туры килә. Анда барсаң, тиз генә кайтам димә, яртышар көн шунда үтә. Табибга керергә чиратта утырганда, нинди кешеләр генә очрамый. 80 яшьлек бер бабай аеруча исемдә калды.

Скопировать ссылку

"Карчыгым минем кем икәнемне дә белми..."

Ул таягына таянып кабалана-кабалана килеп басты да: “Зинһар, мине алданрак үткәреп җибәрә алмассыз микән? Тугызда башка җиргә барырга кирәк”, - ди. Сәгатемә күз салдым – 8.30. Әлбәттә, мин каршы килмәдем. Ул рәхмәт әйтә-әйтә яныма утырды, үзе һаман сәгатенә карый, ашыга.

Кая болай ашыгуын сорарга булдым. “Хастаханәгә барып, хатынымны ашатырга өлгерәсем бар”, - ди. Хатынында Альцгеймер авыруы икән, ягъни хәтере юк. “Ул хәтта минем кем икәнне дә белми”, - ди бабай. “Сезне белмәсә дә, көн саен янына йөрисезме?” – дип сорадым. Ул елмаеп, кулын әкрен генә иңемә куйды да: “Ул белмәсә дә, мине аның кем икәнен беләм”, - диде. Шул мизгелдә коридорга табиб чыкты: “Керегез!” – дип үзенә чакырды. Бабай таягына таянып кабинетка юл тотты...