Казанга төн уртасында килеп төштем. Автовокзалдан караңгы урамга чыгуым булды, каршыма бер милиционерның килеп басуы булды. Алай гына да түгел, кочаклап та алды. Курыксам да өрекмәдем. Ни дисәң дә, милицияләр бандит-каракларга караганда адәм балаларын сирәгрәк талыйлар...
Скопировать ссылку
Казанга төн уртасында килеп төштем. Автовокзалдан караңгы урамга чыгуым булды, каршыма бер милиционерның килеп басуы булды. Алай гына да түгел, кочаклап та алды. Курыксам да өрекмәдем. Ни дисәң дә, милицияләр бандит-каракларга караганда адәм балаларын сирәгрәк талыйлар...
Ә, әйе-әйе!.. Кочаклаган хутка аркамнан сөя-сөя гел бер сүзне кабатлый:
- Коткаручым минем, коткаручым!.. Бигрәкләр дә вакытлы очрадың, Әхмәй, маладис! - ди. Карале-кара син аны - минем исемне дә белә түгелме соң бу!? Ун ел буе Казанга аяк басканым юк лабаса!
Ниһаять, үбеп алды да кочагын ачып җибәрде теге. Күзләремне уып карасам, ни күрим, каршымда сабакташым Сөббух басып тора. Сигезенче классны бергә бетергән идек...
- Унике туларга ярты сәгать калып бара, - ди бу бик тә кайгырган сыман, аннары, сүзне озакка сузмыйча, әйтеп куйды. - Давай, киттек!
Ай-һаема колак та салмастан, кабыргасына «Айныткыч» дип язылган машинага тыгып та куйды.
Комментарийлар