16+

Ватан сугышында Балтач авылы егете Күки авылы егетенең үле гәүдәсен эзләп табып, Белгород өлкәсендә җирләгән

Казан дары заводында директор ярдәмчесе булып эшләгән Хәсәнша Әхмәтшин 1943 елда, үзе теләп, фронтка китә. - Сиңең кебек тырыш кеше заводта да кирәк, - дигән аңа җитәкчеләре. - Юк, минем урыным фронтта, дошманны илебездән куалап чыгармыйча торып, җаным тыныч түгел,- дип, үз сүзен бирмәгән ул. Курск боҗрасында барган каты сугышлар...

Ватан сугышында Балтач авылы егете Күки авылы егетенең үле гәүдәсен эзләп табып, Белгород өлкәсендә җирләгән

Казан дары заводында директор ярдәмчесе булып эшләгән Хәсәнша Әхмәтшин 1943 елда, үзе теләп, фронтка китә. - Сиңең кебек тырыш кеше заводта да кирәк, - дигән аңа җитәкчеләре. - Юк, минем урыным фронтта, дошманны илебездән куалап чыгармыйча торып, җаным тыныч түгел,- дип, үз сүзен бирмәгән ул. Курск боҗрасында барган каты сугышлар...

Казан дары заводында директор ярдәмчесе булып эшләгән Хәсәнша Әхмәтшин 1943 елда, үзе теләп, фронтка китә.
- Сиңең кебек тырыш кеше заводта да кирәк, - дигән аңа җитәкчеләре.
- Юк, минем урыным фронтта, дошманны илебездән куалап чыгармыйча торып, җаным тыныч түгел,- дип, үз сүзен бирмәгән ул.
Курск боҗрасында барган каты сугышлар аз гына тынган араларда, Хәсәнша гаиләсенә хат яза. Артиллерия полкы командирының сәясәт буенча урынбасары булу хатларында да чагылыш таба аның. «Кадерлеләрем, үзегез дә кайгырмагыз, авыл халкы да кайгырмасын, без җиңәчәкбез», - дип тынычландыра капитан Әхмәтшин.
Балык Бистәсе районының Күки авылында 1899 елда дөньяга аваз салган Хәсәнша. Урманчы әтисе Шаһиәхмәттән - табигатьне ярату, оештыру сәләте, ә әнисе Шәмсеҗиһаннан сәүдәгәрлек хирыслыгы күчкән аңа. Яңа Арыш авылыннан заманында данлыклы Шәмсевәли бай кызы булган Шәмсеҗиһан. Шәмсевәли байның уллары Казанда кибетләр тоткан. Урманда кораблар төзү өчен имән агачлары кисүче лашманчылар арасында кайнашып, теттереп русча сөйләшергә өйрәнгән Хәсәнша, унбиш яшендә Казанга килеп, кибеткә сатучы булып урнашкан. Хезмәт хакына алган велосипедта Күкигә кайтып урам әйләнгәндә, күрми-күргән техника артыннан бөтен авыл баласы ияреп чапкан. Әти-әнисе олыгайгач, Хәсәнша янәдән төп йортка кайта, Мөхәммәтсафа кызы Фатыймабикә белән гаилә кора.
Окопта йокымсырап китеп, төш күрүе булды, ахрысы. Әнә ул хатыны Фатыйма белән куанып, кызлары Җәмилә һәм Әкълимәнең көзге алдында бизәнүләрен күзәтә. Уллары Нурвахит, Фәрит, Рашат кечкенәләр әле.
Вакыйгалар күз алдыннан кинотасма кебек уза бирә. 1927 елны Казаннан «Леспромхоз» оешмасы кешеләре Күкидә «Стахановец» урманчылык артеле оештырып китә. Артель җитәкчесе итеп Хәсәнша билгеләнә, шул елларда ул авылдан беренче булып, коммунистлар партиясенә керә. 1932 елдан артель белән бергә яңа оештырылган Камил Якуп исемендәге промколхозны да җитәкли. 1934 елда аны Мәшләк колхозына билгелиләр, 1937 елда Кызыл Йолдыз райкомына инструктор итеп алалар. Күки халкы сорап хат язганлыктан, янә артельгә кайта. 1941 елда Ватан сугышы башлангач, Казан дары заводына эшкә чакыртыла.
...Курск боҗрасында немец фашистларына каршы чираттагы һөҗүмгә күтәрелергә әмер бирелә. Капитан Әхмәтшин сугышчыларны әйдәп, алга ыргыла, ләкин немец снайперы аның гомерен өзә. Һөҗүм безнекеләрнең җиңүе белән тәмамланганнан соң, Күки авылының күршесендәге Балтач авылы егете Мөхәммәтзыя Мөхәммәтҗанов замполит Әхмәтшинның үле гәүдәсен эзләп табып, Белгород өлкәсендә үз куллары белән җирли, бу хакта хат язып сала. Сугыш беткәч, Мөхәммәтзыя Пенза шәһәрендә яши, 1963 елда туган авылына кунакка кайтканда, Күкигә фронтовик дусты гаиләсенә дә килеп: «Хәсәнша абый кыю, кызылармиячеләргә игътибарлы командир иде», - дип сөйләгән. Без - оныклары һәм туганнары- Хәсәнша Әхмәтшин белән горурланабыз, аның исемен онытмыйбыз.

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading