Сөяркәм кодагыем булды
Таксида еш йөрмим. Ә шулай да ярты елга бер тапкыр туры килә.
Таксида еш йөрмим. Ә шулай да ярты елга бер тапкыр туры килә.
Таксистлар арасында кем генә юк, рәхәтләнеп эч серләрен бүлешүчеләр дә очрый.
Бу юлы да миңа күп сүзлесе туры килде.
– Чегәннәрне сүксәләр дә, мин аларга ышанам, – дип сөйләде ул. – Шарлатаннары да бардыр инде. Миңа туры килгәне исә тормышымны әйтеп бирде. Кибет янында "Дай, красавчик, погадаю" дип бәйләнде 40-45 яшьтәге хатын. Ә миңа 20 яшь тирәсе, кызык бит. "Иртә өйләнерсең, сөяркәң булыр. Тик онытма, ул синең кодагыең булачак" димәсенме. Бер елдан соң өйләндем. Рейслар белән күрше шәһәрләргә йөрдем, шунда юлда йөргәндә бер кыз белән таныштым. Аңа үземнең өйләнгән булуымны әйтмәдем. Хатыннан кача-поса шуның белән очраша идем. Командировкага дип чыгып китәм дә, йөреп кайтам. Улыбыз һәм кызыбыз туды. Аларның үскәнен күрмәдем дә, гел юлда бит. Күрше шәһәрдә сөяркәм көтеп тора. Өйдә – хатыным. Улыбызга 20 яшь дигәндә өйләнәм дип әйтә башлады, әнисе каршы килмик, дигәч, ризалаштым. Никах мәҗлесенә ресторанга барсак, кода белән кодагый урынында ире белән сөяркәм утыра. Андый вакытта нишлисең инде, кердем дә утырдым. Сөяркәм белән бер-беребезгә карашып утырдык инде. Бер атна эчеп йөрдем дә, хатын янына кайтып егылдым. Сөяркәм-кодагыем белән араларны өздем. Берәр туган көн, мәҗлес була калса, качам. Командировкага китәм. Оят бар үземдә. Хәзер читкә йөргәнем юк. Балаларга фатир алу өчен акча эшлим, ерак юлларга йөрүдән туктадым. Таксида гына җилдерәм.
Камилә, Казан
Фото: freepik.com
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Җәмгыять
Мәскәү базарында җәйнең иң мул чагы!
-
#Язмалар
«Бер әтидә мең шәхес»: Зиннур Хөснияр турында якыннары һәм танылган шәхесләр нәрсә сөйли?
-
#Кыскача яңалыклар
Татарстанда эт хуҗалары өчен яңа чикләүләр кертергә җыеналар: нәрсәләр үзгәрәчәк?
-
#Кыскача яңалыклар
Татарстанда иң зур яшьләр форумнарының берсе башлана: «Лига форум»га кемнәр килә?
-
#Кыскача яңалыклар
Табиблар могҗиза ясады: Казанда бер операция вакытында хатын-кыздан ике зур шешне алганнар
Комментарийлар
5
1
Матур әкият!
0
0
5
1
Кыз сорарга да барып тормыйча, никаһ кына булды мени?
0
0
5
1
И язып та карыйлар инде. Туп туры никах мәҗлесенә барып утырдыгызмыни? Кызны сорамыйча, әти әниләрен куреп сөйләшмичә? Әкияттә кунакта булган инде бу .
0
0