Аюларга ау кайчан башланачак?

Аның соравын исә без Биологик ресурслар буенча дәүләт комитеты рәисе урынбасары Рамил Шәрәфетдиновка юлладык.
Белгеч сүзләренә караганда, Татарстанда аюларны аулый башлау турында әйтергә әле иртәрәк. 

– Квота узган елда уздырылган исәпкә алу нәтиҗәләре, шулай ук аучылык хуҗалык­ларыннан файдаланучыларның гаризалары буенча билгеләнәчәк. Шунысын да әйтергә кирәк, билгеле бер аучылык урманында аюга ау ачу өчен, анда аларның саны дүрттән дә ким булмаска тиеш. Квоталарны билгеләү кышкы маршрут исәбен эшкәрткәннән соң формалаштырылачак, – диде ул.

– Аюларны кайсы районнар урманнарында очратыр­га була? 
– Гадәттәгечә, алар респуб­ликаның төньяк районнарында: Әгерҗе, Балык Бистәсе, Мамадышта күбрәк күзәтелә.

– Республикада якынча ничә аю исәпләнә?
– Татарстанда аюларның баш саны тотрыклы булып кала. Узган еллар дәрәҗәсендә. Шуның белән бергә элегрәк аюлар күзәтелмәгән җирләрдә – республиканың көнчыгыш районнарында да очраштыргалыйлар. Ләкин моннан алар үтеп кенә китәләр, озак тоткарланмыйлар.
Исегезгә төшерәбез: бүгенге көндә Татарстанда 70кә якын аю исәпләнә. 2024 елда аларны республиканың Кызыл китабыннан чыгардылар. 

Билгеле булганча, «Экологик иминлек» илкүләм проекты гамәлгә ашырыла.