«Батырлар. Татарстан геройлары»: 15 катнашучы депутат булды, егетләребезгә ярдәм дәвам итә

Республикада махсус хәрби операциядә катнашучыларга һәм аларның гаиләләренә финанс ярдәме чаралары, хәрби операциядә катнашучыларны социаль тернәкләндерү һәм эшкә урнаштыру буенча системалы эш җайга салынган.

Җиденче чакырылыш Татарстан Дәүләт Советының егерменче утырышында Татарстан Премьер-министры Алексей Песошин белдергәнчә, гуманитар ярдәм җыю дәвам итә. Анда барлык парламент партияләренең төбәк бүлекләре, иҗтимагый оешмалар, предприятиеләр һәм учреждениеләр, республикабыз гражданнары катнаша.

Татарстанда гуманитар ярдәм җые буенча 85 пункт эшли, шуларның 20се - Казанда.

“Барлыгы республикадан СВО зонасына 2 709 конвой, 21,5 мең тонна азык-төлек, азык-төлек булмаган товарлар, медицина товарлары һәм медикаментлар җибәрелде. Татарстан төзүчеләре, медиклары, социаль хезмәткәрләр һәм волонтерлар шефлык шәһәрләрдә - Лисичанск һәм Рубежда тыныч тормышны торгызуда актив катнашалар. Махсус хәрби операциядә катнашучыларга һәм аларның гаиләләренә, шулай ук яңа регионнарга ярдәм итүдә актив катнашкан өчен барыгызга да ихлас рәхмәтебезне җиткерәбез”, - дип белдерде Песошин.

Аның әйтүенчә, агымдагы елда махсус хәрби операциядә катнашучылар һәм махсус хәрби операция ветераннары өчен «Батырлар. Татарстан геройлары» укыту программасы тәмамланган. Алар исәбеннән 15 кеше шәһәр һәм авыл советлары депутатлары булган, 4 катнашучы мәгариф, сәламәтлек саклау һәм экология өлкәсендә төрле вазифаларга билгеләнгән.

Билгеле булганча, «Пилотсыз авиация системалары» илкүләм проекты гамәлгә ашырыла.