Яшьләр хөкүмәте «Татарстан тавышы» подкастлар сериясен башлап җибәрә

– Узган ел башында яшьләр хөкүмәтенең яңа составын формалаштыру буенча конкурс игълан ителгән иде. Республика буенча барысы 195 егет һәм кыздан заявкалар кабул ителде. Шәһәрдән генә түгел, район җирләрендә яшәүче яшьләр дә бар иде. Алар ел дәвамында төрле конкурс сынауларын узды. Кейс-бурычтан кала, ахыргы этапта яшь киңәшчеләрне җәлеп итү белән кызыксынган ведомстволар үзләрендә эшләргә теләүчеләр белән сөйләшүләр уздырды. Шул сынауларны уңышлы узучылардан состав бар килде. Анда 33 яшь егет һәм кыз керде. Яшьләр хөкүмәте рәисе итеп Игорь Жерненков сайланды, – диде Яшьләр хөкүмәтенең V чакырылыш сайлануы уңаеннан оештырылган матбугат конференциясендә. 

Аныңча, яшьләр хөкүмәте ул яшьләргә башкарма комитет органнары эшчәнлеге белән яхшырак танышырга мөмкинлек бирә. Әлеге тандем инде берничә социаль проектларны гамәлгә ашырырга булышты, диде спикер. 

Яшьләр хөкүмәте рәисенең беренче урынбасары Андрей Шишов яңа чакырылышның «Татарстан тавышы» подкастлар сериясе башлануын хәбәр итте. 

– Минемчә, кызыклы проект бу. Без анда министерстволар һәм ведомстволарның “эчке кухнялары” турында сөйләячәкбез. Алар яшьләргә нинди мөмкинлекләр бирә, анда ничек эләгеп була, нинди перспективалар көтә һәм башкалар турында сөйләргә җыенабыз. Бу башкарма хакимият институтларын яшьләр өчен ачыграк һәм аңлаешлы итәчәк, – диде ул.