Кредит алудан үзеңне саклау өчен нинди кагыйдәне үтәргә кирәк?

Без күзаллаганча, кырыкалдарлар озак көттермәде. Моңа бәйле рәвештә яңа алдау ысулларын уйлап тапканнар.

Финанс белеме үсеше ассоциациясе мәгълүматлары буенча, алдакчылар «Дәүләт хезмәтләре» хезмәткәрләре булып, кешеләргә шалтырата. Алар, имеш, кредит бирүгә үзтыю хаталар белән билгеләнгән, дип хәбәр итә. Шуннан соң «Дәүләт хезмәтләре» порталын имитацияләүче ялган сайтка күчәргә тәкъдим итәләр. Кулланучылар керү өчен үз мәгълүматларын язуга, алар мошенникларга эләгә. Кырыкалдарлар сезнең аккаунт белән идарә итә башлый. Аккаунтка керү мөмкинлеге алгач, мошенник корбанның электрон имзасына белән идарә итә ала башлый. Дәүләт хезмәтләре ярдәмендә шулай ук сезнең башка сервисларга да керергә мөмкин, мәсәлән, сезнең исемнән салым түләүләрен рәсмиләштерергә мөмкин.

Акча урлауның икенче ысулы шулай ук ялган сайт сылтамасы белән бәйле. Аның буенча телефонга кергән очракта, смс укырга сәләтле зарарлы программа йөкләнергә мөмкин, шул исәптән «Дәүләт хезмәтләре»нә яки интернет-банкка керү өчен кодларны да күрә ала.

Җинаятьчеләрнең өченче хәйләсе дә бар. Сезгә телефоннан «Дәүләт хезмәтләре» хезмәткәрләре исеменнән кредит алуга үзтыю урнаштыру эшендә ярдәм күрсәткән булып шалтыратырга мөмкиннәр. Сездән смс кодны атарга сораячаклар, һәм әгәр сез моны эшләсәгез, кырыгалдарлар шулай ук сезнең аккаунтыгызга керә алачак. ЭЭМда башка затлар өчен үзтыюны билгеләү мөмкин түгел, ә «Дәүләт хезмәтләре» хезмәткәрләре телефон аша ярдәм тәкъдим итү өчен беркайчан да шалтыратмаячак, дип искә төшерделәр.

Исегезгә төшерәбез, кредитлар бирүгә үзтыю урнаштыру сервисы 1 марттан башлап эшли башлады. Мондый тыюны билгеләү өчен «Дәүләт хезмәтләре» яки МФЦ аша гариза бирергә, шәхси мәгълүматларны күрсәтергә һәм нинди кредитларга һәм займнарга тыю кертергә теләвегезне билгеләргә кирәк. Бу сезнең исемнән беркем дә кредит рәсмиләштерә алмасын өчен эшләнә. Үзтыюны билгеләү хезмәтләреннән инде 5 миллион россияле файдаланган.

Цифрлы үсеш, элемтә һәм массакүләм коммуникацияләр министрлыгы искәрткәнчә, үзтыюны гамәлдән кулланучы үзе генә чыгара ала. Бу «Госключ» кушымтасында гаризаны электрон рәвештә имзалаганда гына була. Гаризалар статусының барлык үзгәрешләре шәхси кабинетта чагылдырыла һәм бернинди «корректлы» яки «очраклы» үзтыюлар булырга мөмкин түгел. Ә Дәүләт хезмәтләре хезмәткәрләре беркайчан да шалтыратмый һәм бернинди сылтамалар да җибәрми.

Белгечләр сүзләренчә, үзеңне саклау өчен өч төп кагыйдәне үтәргә кирәк:

1. «Дәүләт хезмәте» булсынмы, банк яисә башка кушымталардагы смс-хәбәрләрдән бернинди кодларны беркемгә дә хәбәр итмәскә.

2. Әгәр сезгә таныш булмаган номердан шалтыратсалар һәм үзләрен нинди дә булса оешма хезмәткәре итеп таныштырсалар, сөйләшүне дәвам итмәгез. Бик телисез икән, бу оешманың рәсми номерына шалтыратыгыз һәм гамәлләрнең дөреслеген ачыклагыз.

3. Барлык яңа хезмәтләр буенча мәгълүматны турыдан-туры «Дәүләт хезмәтләре» сайтында өйрәнергә тәкъдим ителә.

Тагын нәрсәгә игътибар итәргә?

- Җибәрелгән сылтаманы тикшерегез. Дәүләт хезмәтләренең бердәнбер дөрес адресы - gosuslugi.ru

- Дәүләт хезмәтләреннән хатлар no-reply@gosuslugi.ru адресыннан гына килә.

Кредит бирүне тыю мошенниклардан коткарачак. Моны Дәүләт хезмәтләре порталында яисә кушымтасында бармак белән басып кына да рәсмиләштерергә мөмкин. Әгәр дә берәр көнне барысына да бурычлы булып уянырга теләмәсәгез, кредитны үзтыю рәсмиләштерергә киңәш итәбез.

Лилия Яфизова