Кышкы тәгәрмәчләрне куя башлагыз

Тышкы һава температурасы +5 һәм +7 градустан түбән төшүгә җәйге шиннарны кышкыга алмаштыра башларга тәкъдим ителә. Резинаның протекторлары ашалмаган булырга тиеш, ул бозда һәм кар өстендә ышанычлы хәрәкәт итсен. 

Аккумуляторның зарядын тикшерегез. Антифриз (тосол), туктату сыекчасы һәм мотор мае күләмнәрен карагыз. Кузовны реагенттан һәм тоздан саклау максатында, автомобиль төбен коррозия-күгәрүгә каршы катнашма белән эшкәртегез. Кышкы чорга сыйфатлы тәрәзә чистарткыч куегыз. Тәрәзә юдырту савытына салкын һавага бирешми торган сыекча салыгыз. Автомобильнең яктылык приборларын тикшереп чыгыгыз. 

Кышкы чорда автомобильне гаражга яки җылы бокска кую яхшы. Бу транспорт чарасын явым-төшемнәрдән, җилдән саклый. Мондый мөмкинлек булмаса кардан даими чистартып торыгыз. Автомобиль ишекләре, капот һәм йөк бүлеме йозакларын махсус май белән майлагыз.
Ерак юлларга чыкканда автомобиль бүлеменә көрәк, буксир бавы, кар чистарту щеткасы, “прикуриватель” чыбыгы, канистрда өстәмә ягулык һәм аптечка алыгыз.