Казанда 16-20 июньнәрдә XIIнче халыкара фәнни Четаев “Аналитик механика, тотрыклылык һәм идарә” конференциясе эшләячәк.
Казанда 16-20 июньнәрдә XIIнче халыкара фәнни Четаев “Аналитик механика, тотрыклылык һәм идарә” конференциясе эшләячәк.
Татарстан Рәисе Рөстәм Миңнеханов республикада фәннең үсешенә стратегик әһәмият бирә. Моның нәтиҗәсе куанычлы – Россия төбәкләренең фәнни-технологик үсеше илкүләм рейтингында Татарстан икенче урында.
– Республикада фундаменталь фәнне үстерүгә дә игътибар зур. ВУЗларда һәм мәктәпләрдә фән түгәрәкләре эшли. Казанда халыкара фәнни конференцияләр әледән-әле үткәреп торыла. Төрле фәннәрнең бергәлектә эшчәнлеге зарур. Фәннән башка алгарыш юк, – диде Татарстан Республикасы Фәннәр академиясе президенты Рифкать Миңнеханов “Татар-информ” мәгълүмат агентлыгында үткәрелгән матбугат конференциясендә.
Казан федераль университетының проректоры Екатерина Турилова белән КНИТУ-КАИ профессоры Геннадий Дегтярев үзләренең чыгышларында галим, математик Николай Четаевның актив фәнни эшчәнлек алып барганлыгын, хөрмәт йөзендә, искә төшерделәр. Николай Четаев 1924 елда Казан университетын тәмамлаган. Университетта аэродинамика түгәрәге һәм лабораториясе оештырган. Халыкара конференция көннәрендә Казанның Четаев урамындагы самолет янында галим Николай Четаевка һәйкәл дә ачылачак.
– Татарстан Рәисе Рөстәм Миңнеханов теләктәшлегендә галимнәргә Лобачевский исемендәге премия тапшырыла. Бу премиянең абруе зур, – диде Екатерина Турилова.
КНИТУ-КАИ ректоры вазифасын башкаручы Кирилл Охоткин, видеоэлемтә аша чыгыш ясап, конференциядә Россия һәм чит илләр ВУЗларыннан, фәнни һәм проект оешмаларыннан, инжиниринг фирмаларыннан, сәнәгать предприятиеләреннән 300 вәкил катнашачагын әйтте.
Конференциядә аналитик механика, тотрыклылык һәм идарә, очучысыз очучы техник җайланмаларны идарә итү, компьютер технологияләре турында сүз барачак.
Кызыклы яңалыкларны күзәтеп бару өчен безнең МАХ каналына кушылыгыз.
#Язмалар
#Җәмгыять
Дамир Бәдриев
Комментарийлар