#Җәмгыять 22 гыйнвар 2026, 15:11

Татарстан Иҗтимагый палатасы җитәкчесе итеп Александр Терентьев сайланды

22 гыйнвар 2026, 15:11

Оешманың чираттагы утырышында Татарстан Рәисе Рөстәм Миңнеханов та катнашты.

Скопировать ссылку

Оешманың чираттагы утырышында Татарстан Рәисе Рөстәм Миңнеханов та катнашты.

VIII чакырылыш Татарстан Иҗтимагый палатасының беренче утырышында оешма рәисе итеп Татарстан Рәисе ярдәмчесе Александр Терентьев сайланды.

Чарада республика Рәисе Рөстәм Миңнеханов та катнашты.

Әлегә кадәр оешма белән Зилә Вәлиева җитәкчелек итте. Ул бу постта 2020 елның гыйнварыннан бирле иде. Рөстәм Миңнеханов Зилә Вәлиевага "Татарстан Республикасы алдындагы казанышлары өчен" орден-медален тапшырды.

60 кешедән торган палатаның яңа составы узган ел ахырында формалашты, анда танылган җәмәгать эшлеклеләре, табиблар, эшмәкәрләр керде.