16+

Татарстанның энергия-утлары еракка яктырта

26 марта 2025, 09:55
205
0
1
Уку өчен 2 минут

Казанда 2-4 апрельләрдә “Казан ЭКСПО” халыкара күргәзмәләр үзәгендә “Энергосәнәгать” (“Энергопром”) форумы була.

Татарстанның энергия-утлары еракка яктырта

Казанда 2-4 апрельләрдә “Казан ЭКСПО” халыкара күргәзмәләр үзәгендә “Энергосәнәгать” (“Энергопром”) форумы була.

 Әлеге чарада Татарстан Рәисе Рөстәм Миңнехановның, Россиянең энергетика министры Сергей Цивилев белән сәнәгать һәм сәүдә министры Антон Алихановның катнашуы көтелә.

– Апрель башында, гадәттәгечә, ТЭФ – Татарстан энергетика форумы үткәрелә иде. Узган елдан башлап ул халыкара күргәзмәгә әверелде. Россиянең Энергетика белән Сәнәгать һәм сәүдә министрлыклары безне үз канатлары астына алды, – диде Татарстанның сәнәгать һәм сәүдә министры Олег Коробченко.

Форумда БДБ илләренең энергетика министрлары, сәнәгать предприятиеләре вәкилләре катнаша.

– Татарстанның энергетика тармагы куәтле, ике электр станциясе эшли, приборлар һәм агрегатлар җитештерелә. Тәҗрибә уртаклашабыз, хезмәттәшлек килешүләре кабул итәчәкбез, – диде Олег Коробченко.

“Казан ЭКСПО” автоном коммерциячел булмаган оешманың генераль директорының беренче урынбасары Игорь Астафьев таныштырганча, форум кысаларында энергетика буенча халыкара күргәзмә дә оештырыла.

–Россиянең 15 төбәге һәм 3 ил компанияләре үзләренең продукциясен тәкъдим итә. Сугыш елларында энергетика тармагында эшләгән һәм соңыннан илнең энергетика тармагын үстергән энергетиклар хөрмәтенә куелган экспозиция Җиңүнең 80 еллыгына багышлана, – диде Игорь Астафьев.

Кызыклы яңалыкларны күзәтеп бару өчен Вконтактега кушылыгыз. 

Язмага реакция белдерегез

1

0

0

0

0

Реакция язылган инде

Комментарийлар

Мөһим

loading