#Авыл 10 июнь 2025, 16:13

Быел республикада 3,3 миллион тоннага якын сенаж әзерләргә җыеналар

10 июнь 2025, 16:13

Дилбәр Гарифуллина Бүген республика элеваторларында 585 мең тонна ашлык саклана

Скопировать ссылку

Быел республикада 3,3 миллион тоннага якын сенаж әзерләргә җыеналар

Дилбәр Гарифуллина Бүген республика элеваторларында 585 мең тонна ашлык саклана

Быел республикада 3,3 миллион тоннага якын сенаж, 3,7 миллион тонна силос һәм 330 мең тонна печән әзерләргә җыеналар. Бу хакта Министрлар Кабинетында узган брифингта Татарстанның авыл хуҗалыгы һәм азык-төлек министры Марат Җәббаров хәбәр итте.

– Шәхси ярдәмче хуҗалыкларда 265 мең баш эре мөгезле терлеккә азык әзерләү өчен өстәмә рәвештә 514 мең тонна печән әзерләргә кирәк. Бүгенгә 71,7 мең гектар күпьеллык үлән чаптырылган (348 мең гектарның 21 проценты), 372 мең тонна сенаж массасы һәм 18 мең тонна печән әзерләнгән. Бу ихтыяҗның 6,8 процентын тәшкил итә. Урып-җыю эшләре сезоны якынлаша. Агымдагы елда 1 миллион 298 мең гектар бөртекле һәм кузаклы культуралар уңышын җыярга кирәк булачак. Республикада 3251 ашлык җыю комбайны бар. 1 июльгә кадәр ашлык җыю техникасын ремонтлау эшләре төгәлләнергә тиеш, – дип сөйләде ул журналистларга.

Бүгенге көндә республика элеваторларында 585 мең тонна ашлык, шул исәптән 2023 елгы уңыштан 280 мең, былтырдан калган 305 мең тонна ашлык саклана.

– Сатып алу бәясе НДС белән уртача 3 нче класслы бодайның тоннасы 14 600 сум, 4 класслы бодай –14 000 сум; фураж бодае – 11 500 сум; арыш – 11 300 сум; арпа 11 800 сум тәшкил итә. Россия Хөкүмәте тарафыннан сатылган ашлык өчен бөртекле культуралар җитештерүчеләргә чыгымнарны каплауга субсидия бүлеп бирелә. Агымдагы елда җитештерүчеләргә 392,6 миллон сум күләмендә дәүләт ярдәме күрсәтелде, 317,4 мең тонна сатылган ашлык субсидияләнде, – дип хәбәр итте Марат Җәббаров.

Кызыклы яңалыкларны күзәтеп бару өчен безнең МАХ каналына кушылыгыз.