#Авыл 06 сентябрь 2022, 11:03

Урып-җыю буенча рекорд куелырмы?

06 сентябрь 2022, 11:03

Бүгенге көнгә республика игенчеләре 5 миллион тонна ашлык суктырган. 1357 мең гектар мәйдан суктырылган, бу 94 проценты тәшкил итә. Уртача уңыш гектарына 36,8 центнер. Кайбер районнар урып-җыю эшләрен тулысынча төгәлләгән инде. Болар – Әтнә, Нурлат, Балтач, Кукмара һәм Югары Ослан районнары. Ашлык суктыру буенча алдынгылар рәтендә: Тәтеш районы – 214,5 мең, Буа – 198,7 мең, Арча – 197 мең тонна.

Скопировать ссылку

Россия Авыл хуҗалыгы министрлыгы фаразлавынча да, быел ашлыкның тулаем җыемы 130 миллион тонна тәшкил итәргә мөмкин, шул исәптән 87 миллион тонна бодай. Тармак аналитиклары исә ашлык уңышын 145 миллион тонна дәрәҗәсендә фаразлый. Бу 2017 елда куелган рекордтан 9,5 миллион тоннага югарырак.
Бу фаразларның чынга ашуы да бар. 1 сентябрьгә Россиядә 117,9 миллион тонна ашлык суктырылган.

Икмәк үзебезгә генә түгел, читкә чыгарырга да җитәчәк. Икенче яртыеллыкта Россия экспортка 30 миллион тонна ашлык кертергә әзер ди. Бу дөньядагы азык-төлек белән вазгыятьне тотрыкландырырга ярдәм итәчәк. Ил халыкара партнерлар алдында барлык йөкләмәләрен үтәвен дәвам итә, дип ассызыклыйлар ведомствода.

Кызыклы яңалыкларны күзәтеп бару өчен безнең МАХ каналына кушылыгыз.