"Яхшыны гына күрсәтә димәсеннәр": Вахит авылы блогерлары бүләкле булган

Кукмара районы Вахит авылы блогеры - сыер савучы Тәнзилә Идиятуллинага колхоз рәисе Нәфыйк Хөсәенов телефон бүләк иткән. Берничә көн генә элек әлеге хуҗалыкта Татарстанның авыл хуҗалыгы министры Марат Җәббаров булып киткән иде. Шунда блогер Тәнзиләне район җитәкчесе Сергей Димитриев танып алып, хәлләрен сорашкан.

Тәнзилә сүз уңаеннан видеолар төшерергә сыйфатлы телефон кирәк әле дип куйган. Җитәкче Вахитов колхозы рәисе Нәфыйк Хөсәеновка авыл блогерына телефон алып бирергә кирәк инде дип төрттергән. 

- Ике көн үтмәде хуҗабыз чакырып алып, телефон бүләк итте. Дүрт камералы кыйммәтле телефон, - ди Тәнзилә. 

Хуҗалыкның гел матур якларын гына түгел, кимчелекләрен дә төшер, алайса туганы, яхшысын гына күрсәтә димәсеннәр, дигән хуҗасы.