Быелгы республика ифтарында 15 меңгә якын кеше катнашты

Ифтардан соң журналистлар белән очрашуда Татарстан мөфтие Камил хәзрәт Сәмигуллин: "Быел кеше күбрәк  килде, дип хәбәр иттеләр. Бәлки,  сөенергә генә кирәктер. Шул ук вакытта моннан нәтиҗә ясап, киләсе елга тагын да тырышыбрак эшләми булмас", -  диде ул. 

«Ак Барс арена» генераль директоры Радик Миннәхмәтов әйтүенчә, ифтарга тагын да күбрәк кешене чакырып булыр иде, әмма "Казан Экспо"га 14 мең кеше генә сыя. Башка урында да уздырып булмый, чөнки "Казан Экспо" иң зур мәйданчык санала. 

Мөфти ифтарның югары дәрәҗәдә оештырылган булуын да ассызыклады. Аны әзерләүдә 800 волонтер катнашкан.

Салават Камалетдинов фотосы