Яшерен никах укыту дөресме?

Әти-әниләрдән яшереп, беркемгә белгертмичә генә мәчеткә барып никах укыттырасыбыз килә, дип мөрәҗәгать итте миңа бер кыз.

Рәсүлебез Мөхәммәд пәйгамбәр янына бер сәхаба килә дә, мин никах укыттым, дип сөенече белән уртаклаша.

Пәйгамбәребез аңардан, син аны халыкка белгерттеңме, бәйрәм иттеңме, дип сорый. Сәхабә, юк, дип җавап биргәч, сарык чал да кунаклар чакырып, бәйрәм ит, ди. Никахыгыз гомерле булсын дисәгез, никахыгызны шаһитләр белән, әти-әниегез, туганнарны чакырып уздырыгыз.