Уразаны нәрсә бозмый?

– «Бер кеше ураза тотканда онытылып китеп ашаса-эчсә, уразасын өзмичә төгәлләсен. Чөнки аны Аллаһы Тәгалә ашаткан һәм эчерткән» (Бохари, «Саум», 26, №1831, 2/682; Мөслим, «Сыйам», 33, №2716, 471 б.) дигән хәдис бу очракка дәлил булып тора.

“Авызга су алып чайкаганда һәм борынны су белән юдырганда, су ялгыш ашказанына китсә, ураза бозылган буламы?”

– Монда шуңа игътибар итәргә кирәк: әгәр бу чакта уразалы булуны онытмаган булсагыз, ураза бозыла. Аны каза кылырга кирәк. Әгәр уразалы булуны оныткансыз икән, ураза бозылмас. «Хуләса» исемле әсәрдә дә шулай язылган.

“Уразалы кешенең сөйләшкәндә яки башка сәбәптән иреннәре дымланып, аларны ялап алса?”

– Уразасы бозылмас, чөнки бу очракта әлеге кеше иреннәрен ялап алырга мәҗбүр. «Заһиди» хезмәтендә шулай диелгән. Чөнки бу очракта әлеге кеше иреннәрен ялап алырга мәҗбүр. 

“Авыз чайкаганда берәр тамчы су калып, шул төкерек белән йотылса?”