“Барысы да вакытлыча,”- диегез: 26 – 2 апрельгә йолдызнамә

Кучкар (21 март – 20 апрель)

Һәрбер кара төннән соң һәрвакыт кояш чыга һәм көн килә. Бу гел шулай. Димәк, бөтен авырлыклар артыннан җиңеллек һәм рәхәтлек киләчәк. Тәмам түземлегегез беткән чакта: “Барысы да вакытлыча,”- диегез.

Үгезбозау (21 апрель – 20 май)

Сез стабильлек һәм төгәллек яратасыз. Тик бер урында торып, сазлыкка төшеп китә аласыз. Һәрвакыт камилләшергә, хәрәкәттә булырга кирәк. Бер максатка ирештегез, шунда ук икенчесенә тотынырга кирәк.

Игезәкләр (21 май – 21 июнь)

Игезәкләр барысыннан да арганлык, күңелсезлек тоярга мөмкиннәр. Моннан качар өчен, үз карашларыгызны киңәйтеп карагыз. Детальләргә игътибар итегез: хәтта тәрәзәдәге манзара да көн саен алмашына, кабатланмый.

Кысла (22 июнь – 22 июль)

Кәефегез минут саен үзгәреп торуы ихтимал, я елыйсы килер, я көләсе, я сәхнәгә чыгып җырлыйсы, я бүлмәгә ябылып ятасы. Бу нормаль күренеш, үзегезне “мин дөрес түгел” дип гаепләмәгез. Ничек бар шулай кабул итегез.

Арыслан (23 июль – 23 август)

Мин-минлегегез харап итәргә мөмкин. Үз-үзеңне югары бәяләү ул әйбәт, ләкин билгеле бер чикләрдә генә. Артык күккә очарга кирәкми, егылып төшкәндә мендәр тотып көтмәсләр.

Кыз (24 август – 23 сентябрь)

Барлык хыяллар чынга аша ала. Әйе, “иң-иң”нәре дә. Чөнки Аллаһ сезнең күңелгә ирешә алмаслык хыял салмый. Әгәр йөрәгегезгә ул керде икән, димәк ул тормышка ашарга лаеклы.

Үлчәү (24 сентябрь – 23 октябрь)

Бу көннәрдә сездән зур җаваплылык таләп ителәчәк. Һәрбер эш, һәрбер гамәл сезнең аркылы үтәргә тиеш. Чөнки хаталар гафу итәлмиячәк. Игътибарлы булсагыз, нәтиҗәсе дә уңышлы булыр.

Чаян (24 октябрь – 22 ноябрь)

Артык “җир кортларына” әйләнеп барасыз. Йолдызлар сезгә хыялланып алырга киңәш итә. Әйе, барлык хыялларыгызны барлап чыгыгыз, аларның ничек тормышка ашканын күз алдына китерегез.

Укчы ( 23 ноябрь – 21 декабрь)

Башкаларга яраклашам дип, үз-үзегезне югалта күрмәгез. Алтын урталык таба белү яхшы сыйфат, әмма ул сезнең үз кыйммәтләрегезгә каршы килергә тиеш түгел. Әлеге очракта “кире бетеп” алу урынлы була ала.

Кәҗәмөгез (22 декабрь – 20 гыйнвар)

Гадәти кабул ителгән, ияләшкән көнкүрешегездән “югалып”, “качып алыгыз”. Бер көн үзегезне телефон, Интернет, артык кирәкмәгән аралашудан азат итегез. Зыяны зур булмас, файдасы да тияр.

Сукояр (21 гыйнвар – 18 февраль)

Әгәр дә начар хатирәләрне оныттыра торган дару уйлап тапсалар, Сукоярлар беренчеләрдән үк аларны алыр иде. Бәлки җитәр үз-үзегезне үткән хаталар өчен “ашарга”? Алар хата түгел, ә тормыш тәҗрибәсе.

Балык (19 февраль – 20 март)

Үзегезгә планлаштырылмаган ял алыгыз. Яңа спорт төре белән шөгыльләнеп карагыз, массажга барып кайтыгыз, кибетләрне әйләнегез. Нигә кичектерергә? Сез моңа лаеклы!.