Якыннарыгызны ничек бар, шундый итеп кабул итәргә өйрәнегез: 20-27 октябрьгә йолдызнамә

Кучкар (21 март – 20 апрель)

Провокацияләргә бирешмәгез. Тәнкыйтьне җиңел кабул итегез. Зур күләмле эшне башкарып чыга алуыгызга ышанмасагыз, башкалардан ярдәм сорарга курыкмагыз.

Үгезбозау (21 апрель – 20 май)

Әгәр карьера үсешен үзмаксат итеп куйган булсагыз, тимерне вакытында сугыгыз, уңайлы вакытны кулдан ычкындырмагыз. Әмма хис-кичерешләрегезне бүтәннәр белән уртаклашырга кирәкми. 

Игезәкләр (21 май – 21 июнь)

Кеше белән дөрес һәм үтемле итеп сөйләшә белүегез кирәкле мәгълүмат алырга һәм кирәкле кешеләр белән уртак фикергә килергә килергә, нәтиҗәдә исә максатыгызга ирешергә ярдәм итәр.

Кысла (22 июнь – 22 июль)

Аралашу даирәсен киңәйтегез, кызыклы перспективаларга юл ача торган очрашулар ихтималы зур. Эштә пунктуальлек кебек сыйфат кирәк булачак. Атна ахыры сәфәрләр өчен уңышлы.

Арыслан (23 июль – 23 август)

Атнаның ашыгыч эшләр, ыгы-зыгы белән узып киткәнен сизми дә калырсыз. Бер кеше сезнең тормышыгызга уңай үзгәрешләр кертер. Киләчәктә аның тормыш иптәшегез булып куюы да ихтимал әле.

Кыз (24 август – 23 сентябрь)

Яраткан кешегез белән мөнәсәбәтләрдә ихлас булырга тырышыгыз, нәрсәнедер яшерү яки әйтеп бетермәү араларыгыз суынуга китермәсен. Бу атнаның төп принципларының берсе – кул кушырып утырмау.

Үлчәү (24 сентябрь – 23 октябрь)

Аек акыл белән эш итсәгез, вакытны тартып-сузып йөрмәсәгез, максатыгызга тиз һәм җиңел ирешерсез. Вак-төяк детальләргә дә игътибар бирегез һәм барасы җирләрегезгә соңга калмагыз.

Чаян (24 октябрь – 22 ноябрь)

Бу атнаны күтәренке кәефтә уздырырсыз. Карьера мәсьәләсен дә, башкаларын да үз файдагызга хәл итәрсез. Тормышыгызга үзгәрешләр кертергә курыкмагыз.

Укчы ( 23 ноябрь – 21 декабрь)

Шикле, күңелегез тартмаган эшләргә алынмагыз. Сезнең болай да ахырына җиткерелмәгән, башлап ташланган эшләрегез бихисап. Бар көчегезне һәм игътибарыгызны иң төп мәсьәләгә юнәлтегез. 

Кәҗәмөгез (22 декабрь – 20 гыйнвар)

Җитәкчегез һәм хезмәттәшләрегез сезгә кыенлыкларны җиңәргә ярдәм итәргә әзер. Ялкауланмагыз, белем һәм тәҗрибәгезне эшкә җигегез, мөмкин булган бар мөмкинлектән файдаланырга тырышыгыз.

Сукояр (21 гыйнвар – 18 февраль)

Реаль максатлар куегыз. Якыннарыгызга ышанырга, аларны ничек бар, шундый итеп кабул итәргә өйрәнегез. Эшләп тапкан акчагызны читкә туздырганчы, шәхси ихтыяҗларыгызга тотсагыз, яхшырак булыр.

Балык (19 февраль – 20 март)

Матур үзгәрешләр көтелә. Түземсезлек һәм кирелек дигән нәрсәне онытып торырга туры килер, югыйсә, бөтен эшләрегез кирегә китәргә мөмкин. Үз көчегезгә ышанычыгыз артыр, катлаулы һәм җаваплы эшне җиңел башкарып чыгарсыз.