Йолдызнамә 24 – 30 июнь

Кучкар (21 март – 20 апрель)
Һәр сорауга да шунда ук җавап бирергә ашыкмагыз. Кайчак дәшми калу да иң дөрес карар була. Үз сүзегезне яклау яхшы, әмма башкаларны ишетә белү дә мөһим. 

Үгезбозау (21 апрель – 20 май)
Кайбер эшләрнең бераз акрынрак баруы сезне борчымасын. Бу вакытны уйланырга һәм көч тупларга мөмкинлек дип кабул итегез. Сабыр кешеләр җиңүгә ешрак ирешә.
Игезәкләр (21 май – 21 июнь)
Кешеләр белән уртак тел табу — сезнең көчле ягыгыз. Ачык йөз һәм җылы сүз күп ишекләрне ачар. Борчылырга сәбәп юк, эшләр көткәннән дә җайлырак барыр.
Кысла (22 июнь – 22 июль)
Үткәннәрне кат-кат искә төшереп, үзегезне борчымагыз. Бүгенге көн белән яшәү күпкә отышлырак. Якын кешеләрнең киңәшенә колак салу да зыян итмәс. Кайбер җаваплар сез уйламаган җирдән килер.
Арыслан (23 июль – 23 август)
Барлык җаваплылыкны үз өстегезгә алырга тырышмагыз. Кайчак эшне бүлешә белү дә зур осталык санала. Тирә-юньдәгеләр сез уйлаганнан да күбрәк ярдәм итәргә әзер. 
Кыз (24 август – 23 сентябрь)
Вак-төяккә артык игътибар бирү сезне арытып бетерергә мөмкин. Һәр нәрсәне камил итеп эшләү мәҗбүри түгел. Иң мөһиме — дөрес юнәлешне югалтмау. Үзегезгә карата йомшаграк булыгыз.
Үлчәү (24 сентябрь – 23 октябрь)
Карар кабул иткәндә башкаларның фикеренә генә таянып калмагыз. Эчке тавышыгыз да ялгышмаска ярдәм итәр. Күңелегез ятмаган эшкә ризалашырга ашыкмагыз. Үзегезгә тугры калу мөһимрәк.
Чаян (24 октябрь – 22 ноябрь)
Кайбер сүзләрне әйтер алдыннан бераз уйлагыз. Кызуланып кабул ителгән карарлар соңыннан үкендерергә мөмкин. Сабырлык сакласагыз, күп кенә аңлашылмаучанлыклар үзеннән-үзе юкка чыгар.

Укчы (23 ноябрь – 21 декабрь)
Берничә эшкә берьюлы тотыну гадәтегез бар. Ләкин бу атнада иң мөһимен сайлап алу отышлырак булыр. Игътибарны бер юнәлешкә тупласагыз, нәтиҗәсе дә яхшырак булыр. 

Кәҗәмөгез (22 декабрь – 20 гыйнвар)
Максатларыгыз зур булуы яхшы, әмма үзегездән мөмкин булмаганны таләп итмәгез. Кечкенә адымнар белән бару да зур уңышка китерә. Барысы да үз вакытында булырга тиеш. 

Сукояр (21 гыйнвар – 18 февраль)
Яңа фикерләрегезгә шикләнеп караучылар табылыр. Әмма һәркемнең фикере сезнең юлны билгеләргә тиеш түгел. Үзегезгә ышанычны югалтмагыз. 

Балык (19 февраль – 20 март)
Башкалар турында кайгыртуыгыз матур сыйфат, әмма үзегезне дә онытмагыз. Көчегезне дөрес бүлә белсәгез, күп нәрсәгә өлгерерсез. Кайчак ял итү дә кирәкле эшләр исемлегенә керергә тиеш.