Ишек ябып чыгып китәсе килсә дә, тыелырга тырышыгыз: 10-16 апрельгә йолдызнамә

Кучкар (21 март – 20 апрель)
Сез һаман үткәннәрне искә төшерәсез, элек җибәргән хаталарыгыз өчен гел үкенәсез, бүгенге һәм киләчәк турында никтер аз борчыласыз...

Үгезбозау (21 апрель – 20 май)
Хәзер тирә-юньдәгеләр сезгә аеруча таләпчән булачак. Кызып китүчәнлегегез отышлы килешүләр төзүгә комачауларга мөмкин. Шуңа күрә бик әйтәсе, ишек ябып чыгып китәсе килсә дә, тыелырга тырышыгыз.

Игезәкләр (21 май – 21 июнь)
Борчылмагыз, ашыкмагыз. Беренче адым яхшы уйланылган булырга тиеш. Берьюлы ике эш белән шөгыльләнергә тырышмагыз, игътибарыгызны бер нәрсәгә юнәлтегез. 

Кысла (22 июнь – 22 июль)
Мөһим максатларны мөмкин кадәр иртәрәк билгеләргә тырышыгыз. Аның ярдәмендә сез артык дулкынланудан котыла алырсыз. 

Арыслан (23 июль – 23 август)
Буш сөйләшүләрдән һәм бәхәсләрдән качарга тырышыгыз. Сабырлык һәм үз-үзегезне тота белү якыннарыгыз белән конфликтлардан качарга ярдәм итәр.

Кыз (24 август – 23 сентябрь)
Эшлекле партнерлар белән яхшы мөнәсәбәтләрне сакларга, вәгъдәләрне үтәргә, килешүләрне бозмаска тырышырга кирәк. Яз килү белән шәхси тормышыгызда яңа этап башланыр.

Үлчәү (24 сентябрь – 23 октябрь)
Әгәр дә сабыр булсагыз, сынауларны җиңү җиңелрәк булачак. Күпләргә, башлаган эшләрен ахырына җиткерү өчен, тырышлык һәм эш сөючәнлек җитми.  

Чаян (24 октябрь – 22 ноябрь)
Катлаулы мәсьәләләрне хәл итү өчен уйлап табучанлык һәм хәйләкәрлек кирәк булачак. Сез ярдәм көтмәгән кешеләр ярдәм итә алачак.

Укчы (23 ноябрь – 21 декабрь)
Үзегез башлаган теләсә нинди эшкә сез бик җитди карыйсыз. Бу хаталарны булдырмаска ярдәм итә. Сезне якынрак белергә теләүчеләр табылыр. Романтик мөнәсәбәтләрнең башлануы да ихтимал. 

Кәҗәмөгез (22 декабрь – 20 гыйнвар)
Проблемадан чыгу юлын табар өчен, ике яклы караш кирәк. Чит кеше фикерен тыңлау сезгә аеруча кыен бирелсә дә, әлеге адымга бырырга кирәк. 

Сукояр (21 гыйнвар – 18 февраль)
Күңелсез сюрпризлар кәефне бозарга мөмкин. Туганнарыгызны ишетергә һәм аңларга теләмәгәнгә күрә, алар белән татулашу кыен булачак. 

Балык (19 февраль – 20 март)
Бәхәсләрдән качарга тырышыгыз, югыйсә ялларыгыз начар кәефтә узар. Сезнең кәефнең хуҗасы бары тик сез генә. Шуңа күрә “һава торышы начар”, “ул мине үпкәләтте” дигән акланулар эзләргә кирәкми.