Кеше сүзенә түгел, үзегезгә ышаныгыз: 15-21 апрельгә йолдызнамә:

Кучкар (21 март – 20 апрель)
Уңышка ирешер өчен, бераз гына тәвәккәллек кирәк булыр. Бу алым киртәләрне җиңәргә ярдәм итәчәк. 

Үгезбозау (21 апрель – 20 май)
Җитди мәсьәләләрне хәл итү өчен атнаның икенче яртысын сайлагыз. Тирә-юньдәгеләр белән уртак тел табу, кемнедер ярдәм күрсәтүгә ышандыру җиңел биреләчәк. 

Игезәкләр (21 май – 21 июнь)
Игътибарлылык сезнең вакытыгызны һәм финансларыгызны саклап калачак. Эшләр һәм сынаулар күп булачак, хис-кичерешләрне контрольдә тоту, башкалар күрмәгәнне күрү мөһим. 

Кысла (22 июнь – 22 июль)
Таныш булмаган кешегә ярдәм итәргә, мөһим иҗтимагый чарада катнашырга туры килүе ихтимал. Бәлки хезмәттәшләрегезнең хаталарын төзәтергә дә туры килер. 

Арыслан (23 июль – 23 август)
Атна яшерен дошманнарны фаш итү, ниндидер катлаулы хәлләрне ачыклау өчен туры килә. Танышырга теләсәгез массакүләм чараларга йөрегез, үзегезгә игътибар җәлеп итәргә тартынмагыз. 

Кыз (24 август – 23 сентябрь)
Мөнәсәбәтләр башлау өчен бик яхшы чор башлана. Иске мавыгулардан, элемтәләрдән, максатлардан һәм планнардан баш тартырга мөмкинсез. Аларга алмашка яңалары киләчәк.

Үлчәү (24 сентябрь – 23 октябрь)
Проблемалар бик зур булып тоелсалар да, алай ук җитди түгел, сез барлык авырлыкларны да җиңеп чыгачаксыз. Көткәннән дә күбрәкне эшләрсез. 

Чаян (24 октябрь – 22 ноябрь)
Шәхси тормышыгыз чәчәк аткандай үсеп китәр. Яныгызда берәм-берәм сезне ошаткан кешеләр барлыкка килер. Ә бәлки сезнең ярыгыз инде сезнең арагыздадыр. Игътибарлырак булыгыз әле…

Укчы (23 ноябрь – 21 декабрь)
“Көнкүреш дөньясы” дигән сазлыкның инде төбенә төшеп җитәсез бугай. Тормышыгызга яңа төсләр кертегез.

Кәҗәмөгез (22 декабрь – 20 гыйнвар)
Атнаның беренче яртысында дулкынлану өчен сәбәпләр җитәрлек булса да, азрак борчылырга тырышыгыз. Моның өчен шәхси тынычлану “рецепты” булдырырга кирәк: җыр тыңлау, тыныч сулау, медитация һ.б.

Сукояр (21 гыйнвар – 18 февраль)
Тискәре хис-кичерешләр туганнар белән бәхәсләр тудырырга мөмкин. Сез беркемнең дә дуслашуга бармавына гаҗәпләнерсез. Киресенчә, барысы да үзенең мәнфәгатьләрен яклар. 

Балык (19 февраль – 20 март)
Эшне “аннары эшләрмен әле” киштәсенә калдырмау яхшырак. Ул шунда куелып, онытылып калу ихтималы бик зур. Сорауларга җавап эзләгәндә, кеше сүзенә түгел, үзегезгә ышаныгыз.