Хыялланыгыз, рухланыгыз һәм рухландырыгыз: 14 - 21 мартка йолдызнамә

Кучкар (21 март – 20 апрель)
Сезгә күбрәк тынычлык һәм гармония кирәк. Табигать кочагында ял итегез, сөйгән эшегез белән шөгыльләнегез, һәм күңелегезгә рәхәтлек бирүче кешеләр белән аралашыгыз. 

Үгезбозау (21 апрель – 20 май)
Дәртегез ташып торыр. Эшләрегез җиңел бирелер һәм якыннарыгызны сөендерергә дә вакыт табарсыз. Яңа башлангычлар өчен бик уңышлы көннәр.

Игезәкләр (21 май – 21 июнь)
Гаиләгезгә һәм якыннарыгызга күбрәк игътибар бирегез. Алар сезнең җылыгызга һәм ярдәмегезгә мохтаҗ. Өйдә җылы күрешүләр урнаштырыгыз һәм бергә вакыт үткәрегез.

Кысла (22 июнь – 22 июль)
Сез бик җитез һәм тапкыр булачаксыз. Яңа мәгълүмат алырга, кызыклы кешеләр белән танышырга һәм үз фикерләрегезне уңышлы гына җиткерергә мөмкинлегегез булачак. Вакытны юкка әрәм итмәгез!

Арыслан (23 июль – 23 август) 
Бу атнада сез балкыячаксыз! Иҗади сәләтегез уяныр һәм сез гаҗәеп идеяләр белән уртаклашырсыз. Сәхнәгә чыгарга мөмкинлек чыгар, үз сәләтегезне күрсәтегез.

Кыз (24 август – 23 сентябрь)
Эшләрегезне тәртипкә китерегез. Йолдызлар бөтенесен планлаштырырга һәм вак-төяк детальләргә игътибарлы булырга киңәш итә. Сезнең төгәллегегез һәм җаваплылыгыгыз бу атнада бик кирәк булачак.

Үлчәү (24 сентябрь – 23 октябрь)
Сезгә сер килеп ирешергә мөмкин. Аны башкаларга сөйләмәгез. Киеренке мәсьәләдә эчке тавышыгызны тыңлагыз, ул һичшиксез дөрес юл күрсәтер. Акча ягы әйбәтләнеп китәр.

Чаян (24 октябрь – 22 ноябрь)
Бу көннәрдә сез тынычлык һәм тигезлек эзләячәксез. Конфликтлардан, бәхәсләрдән сакланыгыз, алтын урталык табарга тырышыгыз һәм башкалар белән уртак тел табыгыз.

Укчы ( 23 ноябрь – 21 декабрь )
Яңа маҗараларга һәм кызыклы сәяхәтләргә әзер торыгыз. Әлеге көтелмәгән  сәяхәт офыкларыгызны киңәйтер, күп кенә яңа карашлар белән танышырсыз. Бу дөньяга фикерләрегезне үзгәртер.

Кәҗәмөгез (22 декабрь – 20 гыйнвар)
Максатларга ирешергә вакыт җитте. Ә моның өчен тырышырга һәм сабыр булырга кирәк. Үз фикерләрегезгә тугры калсагыз, уңышка бик тиз ирешерсез.

Сукояр (21 гыйнвар – 18 февраль)
Дусларыгыз белән аралашыгыз, төркем белән эшләгез һәм яңа идеяләр белән уртаклашыгыз. Сез үзегезне дусларыгызның ярдәме белән көчлерәк хис итәрсез. Аларга рәхмәт әйтергә онытмагыз.

Балык (19 февраль – 20 март)
Хыялланыгыз, рухланыгыз һәм рухландырыгыз, иҗат итегез һәм рухи дөньягызны баетыгыз. Үзегезне сәнгатьтә яисә музыкада сынап карасагыз, нәтиҗәсе яхшы булыр. 

Фото: ru.freepik.com