Иремә ышанам… ләкин йөрәгем тыныч түгел
Кемгәдер, бәлки, көлке кебек тоелыр, әмма күңелемә тынгылык бирми торган бер хәл турында язасым килә…
Кемгәдер, бәлки, көлке кебек тоелыр, әмма күңелемә тынгылык бирми торган бер хәл турында язасым килә…
Безнең бер буш фатирыбыз бар иде. Озаграк уйлап йөрдек тә, арендага бирергә булдык. Көннәрдән бер көнне ирем: “Кеше табылды,” — диде. “Яшь кыз, 27 яшьлек,” — ди.
Башта әллә ни игътибар итмәдем, ризалаштым. Кыз килеп урнашты. Акчасын вакытында түли, күршеләрдән дә зар юк, үзе тыныч, пөхтә, тәртипле ди. Барысы да әйбәт кебек…Ирем айга бер тапкыр барып, счетчикларны карап кайта. Һәм менә шуннан соң күңелемә шом керде…
Үзем дә аңламыйм — 40 яшьне узган хатын башым белән, ни өчендер көнләшә башладым. Акылым белән аңлыйм: ирем андый кеше түгел, йөрмәгәнен дә беләм. Әмма йөрәк… йөрәк тыныч түгел.
Квартирант кызны үзем бер тапкыр да күргәнем юк. Ә күңелемдә әллә нинди уйлар туа башлый: “Яшь, чибәрдер… бәлки…” — дип, үз-үземне борчыйм. Кайчак үземә үк оят булып китә. Янәсе, юктан проблема ясыйм кебек. Әмма бу уйлардан котыла алмыйм. Иремә бу хакта әйтергә дә кыенсынам. Ышанам бит мин аңа… әмма күңелдәге шушы вак, әмма тынгылыксыз шик барыбер кимерә. Шуңа күрә сорарга булдым:
Бу — гади көнләшүме, вакытлы халәтме? Әллә чынлап та үземне сакларга тырышуыммы? Тынычланып, барысын да шулай калдырыргамы Яисә башка квартирант эзләү дөресрәк булырмы?
Бәлки, арагызда шундый хәлне кичергән кешеләр бардыр… Киңәш бирегезче. Күңелемә тынычлык табасым килә…
Солтания, Казаннан
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Кыскача яңалыклар
Татарстанда махсус хәрби операция ветераннары урамнарга патрульгә чыгачак
-
#Язмыш
“Хезмәт хакы керү белән уенга сала”: уен колына әверелгән егеткә ничек ярдәм итәргә
-
#Кыскача яңалыклар
«Төзелеш тармагы лидерлары» конкурсына гаризалар кабул итү дәвам итә
-
#Кыскача яңалыклар
«KazanForum»да Казан ипподромында ат чабышы һәм халыкара жокейлар чемпионаты узачак
-
#Җәмгыять
“Милли тормыш һәм дин” җыены – илнең барлык татар дин әһелләрен туплаган бердәнбер чара
Комментарийлар
5
0
Ә нигә счетчикларны барып карарга? Фотосын да сорап алып була бит.
0
0
8
0
Узен барып тикшер счетчикларны.
0
0
1
0
Это по русски называется предчувствие.Нигә үзегезне кимсетәсез? Барыгыз, танышыгыз ул квартирантка белән
0
0