Казан чикләүләрдән курыкмый: 32 илне үзенә җыя
Татарстан башкаласында 21-24 сентябрьләрдә Kazan Digital Week-2022 халыкара форумы була. “Татар-информ” мәгълүмат агентлыгында узган матбугат конференциясендә республиканың цифрлы үсеш министры Айрат Хәйруллин алхәбәр биргәнчә, чарага инде 32 илдән килергә җыенуларын раслаганнар.
Татарстан башкаласында 21-24 сентябрьләрдә Kazan Digital Week-2022 халыкара форумы була. “Татар-информ” мәгълүмат агентлыгында узган матбугат конференциясендә республиканың цифрлы үсеш министры Айрат Хәйруллин алхәбәр биргәнчә, чарага инде 32 илдән килергә җыенуларын раслаганнар.
— Форумга 5 мең кеше теркәлү узды инде. Абхазия, Әзәрбайҗан, Армения, Белоруссия, Казахстан, Кыргызстан, Молдова, Үзбәкстан, Таҗикстан, Төрекмәнстан республикаларыннан, шулай ук, Мисыр, Берләшкән Гарәп Әмирлекләре, Иран, Төркия, Бельгия, Бөекбритания, Венгрия, Испания, Швейцария, Андора, Һиндстан, Кытай, Индонезия, Алжир, Ангола илләреннән һәм АКШтан да вәкилләр киләчәк. Россия Премьер-министры Михаил Мишустин форумга видеоэлемтә аша мөрәҗәгать итәчәк, ә Татарстан Президенты Рөстәм Миңнехановның турыдан-туры катнашуы көтелә,-диде министр Айрат Хәйруллин.
Форум кысаларында 120 чара һәм компьютер дөньясына караган күргәзмә оештырыла. Анда 120 предприятие үзенең цифрлы (компьютер) технологияләрен һәм җиһазларын күрсәтә.
— Чит илләр технологияләренә алмаш булдыру ягыннан цифрлы технологияләргә кагылышлы форумның әһәмияте тагын да арта. Татарстанда 2022 ел-Цифрлаштыру елы, форум да цифрлы технологияләрне үстерү һәм кулланышка кертүне максат итеп куя. ВУЗлар арасында кибериминлек буенча үзара хезмәттәшлек килешүе кабул ителәчәк,-дип, чыгышларны дәвам итте Республиканың цифрлы үсешенә теләктәшлек ассоциациясе советы рәисе Рифкать Миңнеханов.
Россия Федерациясе Хөкүмәте ярдәмендә Татарстан Республикасы Министрлар Кабинеты тарафыннан оештырыла әлеге форум. Рифкать Миңнеханов үзенең чыгышында “Летай”, HeadHunter, Ак Барс Банк, “Касперский лабораториясе”нең ярдәмен дә мактап телгә алды.
“Таттелеком” гаммәви акционерлык җәмгыяте генераль директоры Айрат Нуретдинов, Ак Барс банкының инновацияләр буенча директоры Дамир Галиев, “Касперский лабораториясе” системасы базасында бизнес-чишелешләрне үстерү юнәлеше җитәкчесе Андрей Суворов форумның цифрлы технологияләрне үстерүгә көчле этәргеч булганлыгы, кибер иминлекнең мөһимлеге турында сөйләделәр.
Digital Week- “цифрлы атна” дигән мәгънәне аңлата. Казан атна дәвамында цифрлы дөньяны кайната. Россияне читләштерергә омтылган бер вакытта Казанда дистәләрчә илләр катнашында цифрлы технологияләр өлкәсенә кагылышлы форумның үткәрелүе стратегик әһәмияткә ия. Министр Айрат Хәйруллин “Шәһри Казан” газетасы хәбәрчесе соравына җавап итеп әйткәнчә, чит илләр вәкилләре Татарстанның предприятиеләренә барачак, республиканың икътисад мөмкинлекләре белән танышачак, үзара хезмәттәшлеккә җирлек тудырылачак.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар