Күләгәдәге бизнес ил казнасын 3 триллион сумлык салымнардан мәхрүм итә

Быел июнь аенда РФ финанс министры Антон Силуанов ил икътисадының «күләгәдәге» (салым салудан читтә кала торган) секторының тулай эчке продукттагы өлешен 15-20 процент күләмендә дип бәяләгән иде. РФ вице-премьеры Ольга Голодец илдә эш көчендәге 20 млн га якын кешенең хәзер шушы секторда мәшгуль булуын хәбәр итте. Бу саннардан аңлашылганча, бизнесның күләгәгә китүе нәтиҗәсендә ил казнасына якынча 3 трлн сумлык салымнар керми кала. Ә җирле бюджетларны тулыландыруга китә торган физик затлар кеременә салым 2 трлн сумга азрак җыела.