Әхтәм Зарипов нинди китаплар укый

- Тургеневны кайта кайта укырга яратам. Миңа аның язу стиле ошый, үземнең стилемне дә аныкына охшатам. Мәхмүт Галәүнең «Мөһаҗирләр» романын бик еш алам кулыма. Автор монда татарлар тормышының эченә кереп язган. Ул минем өстәл китабым дип тә әйтә алам. «Мадам Бавари» романын язган Гюстав Флобер­ның теле ошый. Эмиль Золяның тәнкыйди мәкаләләрен укыйм. Мин аны уку ярдәмлеге сыйфатында да кулланам. Виктор Гюго әсәрләренә дә битараф түгелмен. Иң яраткан язучым - Антон Чехов. Аның исә әсәрләрен кыска, әмма шул ук вакытта тирән мәгъ­нәле итеп язуы ошый. Истә калган китаплардан Булгаковның «Белая гвардия» китабын әйтә алам.