Эремчек һәм чияле пирог рецепты
Пирогның камыры өчен кирәк: 250 гр шикәр комы, 500 гр он, 3 йомырка, 220 мл сөт, 220 мл үсемлек мае, 1 кап камыр кабарткыч (разрыхлитель теста - рус.).
Пирогның камыры өчен кирәк: 250 гр шикәр комы, 500 гр он, 3 йомырка, 220 мл сөт, 220 мл үсемлек мае, 1 кап камыр кабарткыч (разрыхлитель теста - рус.).
Эчлекне 300 гр эремчек, 1 йомырка, тәменчә шикәр пудрасы белән ясыйбыз. Чия яисә төче чияне үзегез теләгән күләмдә куллана аласыз.
Йомырка белән шикәр комын кушып, кабарганчы болгатабыз. Аз-азлап сөт һәм май кушабыз. Аннан он һәм камыр кабарткыч салып, сак кына бутыйбыз. Әзер камырны пергамент кәгазе җәелгән табага агызабыз.
Камыр өстенә төше алынган чияне салабыз. Чия өстенә йомырка һәм шикәр пудрасы белән болгатылган эремчек салына. Пирог 190 градуска кадәр җылытылган духовкада 25 мин пешерелә.
Кызыклы яңалыкларны күзәтеп бару өчен безнең МАХ каналына кушылыгыз.
Комментарийлар