Фольганың кайсы ягы белән пешерергә?

Ләкин фольганың ике төрле ягы бар – ялтыравык һәм тынык. Алар арасындагы аерма производство стадиясендә барлыкка килә: алюминий, өзелмәсен өчен, берничә катлам итеп тәгәрәтелә, ә аннары аерыла. Бу процесс вакытында  калайның бер ягы ялтырый, ә икенче ягы тонык кала. Шуңа күрә күп кенә хуҗабикәләрдә фольганың кайсы ягын куллану дөрес була дигән сорау туа. 

Фольга парны эчтә тота, ризыктагы табигый сокның агып чыгуын булдырмый һәм продуктларны киптерми. Ит яки балыкны духовкада кыздырганда бу аеруча мөһим.

Ялтыравык як җылылыкны чагылдыра, ә тонык як, киресенчә, йота дигән фикер таралган. Һәм бу ризык әзерләү тизлегенә йогынты ясый дигән фикер дә ишетергә мөмкин. Әмма гамәлдә бу алай түгел. Пешекчеләр билгеләп үткәнчә, өй шартларында пешергәндә яклар арасында аерма зур түгел.
Әгәр ашамлык духовкада әзерләнә икән, аның җылыту элементы температурасы фольганың җылыны кире кайтару яки йоту сәләтеннән шактый югары. Шуңа күрә продуктның кайсы як белән төрелүенә карамастан, ул якынча бер үк вакытта әзерләнәчәк.

Әгәр сез ачык грильдә әзерлисез һәм әзерләү процессын бераз тизләтергә кирәк икән, фольганың ялтыравык ягы тышта булса яхшырак. Бу җылылык югалтуны бераз киметергә ярдәм итәчәк.

Фото: ru.freepik.com