Гөлләр чәчәк атсын өчен, «швед өстәле» ысулын кулланыгыз

Аларның барысы да диярлек гөлләрне тукландырырга кирәк, дигән фикердә. Моның өчен минераль ашламалар куллану зарур. Әмма алар туфракка зыян китерергә мөмкин. Шуңа да белгечләр “швед өстәле” ысулын кулланырга киңәш итә. Бу алым үсемлекләргә уңайлы шартлар тудырачак һәм туфракка минималь йогынты ясаячак. Эш шунда ки, үсемлекләрнең тамырлары химик матдәләргә җайлашмаган һәм җайлашу өчен вакыт таләп итә, бу кайбер кечкенә тамырларның үлүенә китерергә мөмкин. 

Нәрсә ул "швед өстәле"?
Бу ашламаларны тигез итеп сибү түгел, ә зур булмаган порцияләр белән үсемлек тирәли ашламаны күмү. Әмма ашлама сабактан ераграк булырга тиеш. Нәтиҗәдә, әлеге ашламаларга аерым тамырлар сузылачак, алар “юлда” нәкъ менә туклануга „җайлашачак“. Бу инде башка, үзенчәлекле, „минераль " тамырлар булачак. Ә калган тамырчыклар, элеккеге кебек үк, органиканы кулланачак. 

Гөлләр чәчәк атсын өчен фосфор, бор, магний, калий, марганец кебек матдәләр кирәк. Шуңа да ашламаларны сайлаганда составында әлеге минераль ашламалар булуга игътибар итегез. 
Чәчәкне утырткач 2 атна үтүгә аны беренче тапкыр тукландыру кирәк. Аннан чәчәккә бөреләнгәндә, чәчәк атканда һәм чәчәк атып бетергәннән соң да ашлау зарур. Контейнерларда үсә торган чәчәкләрне ике тапкыр ешрак ашлыйлар. 20 сентябрьдән соң ашлама кертүне туктату сорала.