Ял урынына акча?

Компенсация күләме төрле булырга мөмкин. Ул хезмәткәрнең кулламаган ял көннәре күләменнән һәм соңгы 12 ай эчендә уртача хезмәт хакына бәйле. Моңа оклад, премияләр һәм өстәмә түләүләр керә. Әмма отпуск өчен түләү, матди ярдәм, социаль түләүләр һәм хезмәткә яраксызлык вакытында түләнелгән акчаларны исәпләмиләр. 

Кулланылмаган ял өчен түләү күләмен санап чыгару өчен уртача көнлек түләүне кулланылмаган яллар көненә тапкырларга кирәк. 
Мисалга, кафе хезмәткәре туклану учреждениесендә 5 ел эшләде, ди. Аның хезмәт хакы уртача 75 мең булсын. Шул вакыт эчендә хезмәткәр тиешле ялының 130 көнен кулланган дип алыйк. Эштән киткән очракта аңа күпме компенсация тиешлеген исәплик. 

Биш ел эчендә хезмәткәргә 140 көн ял тиеш булган (28*5=140)
140-130 (кулланылган ял көннәре) = 10

Хезмәткәрнең уртача хезмәт хакын 12 гә тапкырлап, ел дәвамында алынган керемен чыгарабыз: 
75 000 × 12 = 900 000  
Узган ел уртача көнлек түләүне исәпләү өчен түбәндәге формула кулланылган:
12 айга түләнелгән акча/12/29,3
29/3 - уртача календарь көннәре

Бу формула РФ Хөкүмәтенең 24.04.2025 нән булган 540:2 нче номерлы карары нигезендә кулланыла. 
900 000 / 12 / 29,3 = 900 000 / 351,6 = 2 559,7 ≈ 2 560 сум

Уртача хезмәт хакын кулланылмаган ял көннәренә тапкырлап, хезмәткәргә тиешле компенсация күләмен чыгарабыз: 
 2 560 сум × 10 = 25 600 сум

Кулланылмаган ял көннәре өчен сезгә теләсә кайсы очракта да түләячәкләр. Моңа эштән китү сәбәбе тәэсир ясамый. Бу хакта РФ Хезмәт Кодексының 127 нче маддәсендә язылган. 

Гариза язып, эштән китәргә 14 көн кала эш бирүчегә тапшырыгыз. Гаризада кулланылмаган ял көннәре хакында да искә алырга онытмагыз. Кадрлар бүлегенә яисә бухгалтериягә мөрәҗәгать итеп, кулланылмаган ял көннәрен исәпләүләрен сорагыз. Мәгълүматны үзегез дә тикшерегез. Бухгалтериядән исәпләү кәгазен  (расчетный лист-рус.) сорап алыгыз. Анда нинди түләүләр исәпләнүен, уртача көнлек түләүне күрсәтәләр.

Эштән киткән көнне кулланылмаган ял көннәре өчен акчаны исәпләү счетына күчерергә тиешләр.