Кура җиләге мул уңыш бирсен өчен нишләргә?

Коңгырт төстәге ботакларны кисәргә кирәк, чөнки алар инде киләсе сезонга чәчәк атмаячак һәм җимеш бирәчәк. Әгәр хәзер сез көрән сабакларны кисеп ташламасагыз, язын алар кирәкле ботаклар өчен булган дымны “кулланып”, яшь ботакларга зыян салулары бар. 

Моннан тыш, икенче җәй башына куаклар куермасын өчен, уңыш җыйганнан соң яшь ботакларны да сирәкләргә киңәш ителә. Сабакларны төптән үк кисеп алу яхшырак.

Кура җиләгенең тамыр системасы бик көчле булуын онытмагыз. Әгәр аны сезгә кирәкле юнәлешкә җибәрмәсәгез, берничә елдан бөтен бакчагыз кура җиләге булачак. Кура җиләге өчен планлаштырылмаган территорияләрдә аның яшь шытымнарын күрсәгез, тамыры белән бергә казып алырга кирәк.
Уңыш җыйганнан соң кура җиләген яхшылап тукландырырга кирәклеген дә онытмагыз. 

Әгәр яшь үсентеләр куе булса, артык ян ботакларны төпкә итеп, кисеп ташларга кирәк. Бер куакта иң нык 4-6 үсенте генә калдырырга кирәк.
Вакыт узу белән туфрагыгызның “ашы” бетсә, калий сульфаты (1 квадрат метрга 1 чәй кашыгы) кулланырга киңәш ителә. Кура җиләге агач көле һәм черемә белән тукландыруны “ярата". Нитратлы ашламаларны җәй уртасында кулланмау яхшырак, чөнки алар бәбәкләр үсешен стимуллаштыра. Калий һәм фосфор белән өстәмә тукландыру артык булмаячак – аларны тамыр астына түгел, ә аннан якынча 20-30 сантиметр кырыйдарак сибәргә кирәк. 

Кура җиләге яфракларына да игътибар итегез. Әгәр җиләк җыеп алганнан соң алар саргая һәм хәтта коела башласа, үсемлекләрдә магний дефициты дигән сүз. Бу очратка 1 квадрат метрга 35 грамм магний сульфаты кулланырга киңәш ителә.

Кура җиләге – дым ярата торган культура. Ләкин дымның артык булуы, аның җитмәве кебек үк, зарарлы. Түбәнлекләрдә су җыелганда яки грунт сулары якын булганда, тамырлар чери башлый, ә дымсызлыктан үсемлек кибә.

Куаклыкларны саклау өчен даими рәвештә һәм чамасын белеп, су сибү кирәк. Әгәр туфрак суны начар үткәрә икән, дренаж ясагыз. Кура җиләге куаклары тирәсендәге барлык чүп үләннәрен утарга, туфракны йомшартырга һәм мүлчәләргә онытмагыз. Бу куакларның торышын яхшыртачак.

Фото: нейрочелтәр