Пестә: йоклар алдыннан ашарга яраклы нәрсә

Димәк, мондый туклану шикәр диабетын профилактикалауга ярдәм итә ала.
Тикшеренүдә катнашучылар йоклар алдыннан 57 г пестә чикләвеге ашаган.

Бу тәҗрибә углевод һәм липид (май) алмашу күрсәткечләренең әлеге чикләвекне кулланганда үзгәрмәвен раслаган. Әмма мондый ашамлыкларның файдалы нәтиҗәсе барыбер булган. Бу сәламәт туклану ысулы булып санала. Шулай ук Урта диңгез туклану тибы һәм DASH диетасы кебек йөрәк-кан тамырлары авыруларын профилактикалау, артериаль кан басымын төшерү өчен тәкъдим ителгән диетологик алым буларак исәпләнә.

Пестә чикләвеге - файдалы майлар чыганагы. Аларда калий, үсемлек аксымы, азык җепселләре бар. Шулай ук алар фитостеролларга бай. Бу биологик актив матдәләр, аерым алганда кан липидларын нормальләштерүче, шулай ук антиоксидант һәм ялкынсынуга каршы нәтиҗәле көрәшүчеләр. Шул ук вакытта пестә чикләвеге, теләсә нинди чикләвекләр кебек үк, бик туклыклы. 

Белгечләр көнгә бу чикләвекне 30-40 г ашарга киңәш итә. Якынча 1-2 уч, чөнки ул үсемлек майлары исәбенә шактый калорияле продукт. Пестә чикләвеген сайлаганда кыздырылмаган, тозлы булмаганына өстенлек бирегез. Чөнки тозлы чикләвек сәламәт ризык саналмый. Аның хисабына тозның көнлек нормасы артып китәргә мөмкин. 

Пестә чикләвеге составындагы иң мөһим компонентларның берсе-кремний. Ул коллаген төзелешендә катнаша. Бу матдә безнең организмның бөтен өлешләренә дә кирәк. Шул исәптән, күз тамырларын тукландыра торган кан тамырлары өчен дә. 

Коллаген – ул сәламәт тире, сөякләр, кан тамырлары. Аерым алганда, кремний күзгә күрү сәләтен саклау өчен кирәк. Кан тамырлары челтәр катлауны нормаль кан белән тәэмин итү өчен эластик булырга тиеш. Бу процесста кремний да катнаша.

Моннан тыш, фисташкаларда мелатонин да бар — ул йокларга ярдәм итә торган матдә. Яхшы йоклар өчен нибары 10-12 чикләвек җитә, ди табиблар.

Фото: нейрочелтәр