Салкын суда кер юма

Бу чыннан да шулай: микроорганизмнарның барысы да диярлек 90 градуста үлә. Әмма мондый температурада сез керләрне кайнатачаксыз. Бу исә аларның формасы, төсе югалуга китерергә мөмкин. Әгәр джинс әйберләрне, футболкаларны яки күлмәкләрне, оекларны кайнар суда еш юсагыз, алар тиз арада идән чүпрәгенә әверелергә мөмкин. 

Мондый режимда сирәк кенә тыгыз тукымадан тегелгән пәрдәләрне, урын-җир кирәк-яракларын юарга мөмкин. Урын-җирне 60 градуста юган очракта да алар дезинфекцияләнә. Аның каравы сез әйберләрне саклап калырсыз һәм электр энергиясен дә экономияләрсез. 
Керләрне юу өчен 30 градустагы су бик салкын, ә 60 градус кайнар, 40 градус исә нәкъ кирәк температура кебек. Әмма белгечләр фикеренчә, бу дөреслеккә туры килми. 40 градуста бактерияләр үлеп бетми, шулай ук тукымага каты сеңгән таплар да бетми. 

Әгәр тапларны бетерергә кирәк икән, 60 градуслы режимда юарга киңәш ителә. Керләрне яңартып алырга гына теләсәгез, 30 градуста юу да җитә. 
Әгәр дә сез керләрне салкын суда еш юасыз икән, барабанда күгәрекләр, гөмбәчекләр һәм бактерияләр барлыкка килүе ихтимал. Шуңа да барабанны атнага бер тапкыр булса да аш серкәсенә чылатылган чүпрәк белән сөртеп алыгыз. Порошок сала торган урынны савыт юу машинасында юарга киңәш ителә. Барабанны исә ачып тотыгыз.