16+

Урамда акча табу, лотереядә оту, кэшбэк: россиялеләргә финанс бәхете ничек елмайган?

Россиялеләрнең 44 проценты гомерендә ким дигәндә бер тапкыр көтмәгәндә зур суммада акча алган.

Россиялеләрнең 44 проценты гомерендә ким дигәндә бер тапкыр көтмәгәндә зур суммада акча алган.

Бу хакта «Альфа Деньги» компаниясе үткәргән тикшеренү нәтиҗәләре сөйли.

Сораштыруда катнашучыларның 22 проценты мондый хәл белән бер тапкыр, 16 проценты берничә тапкыр очрашуын әйткән. Респондентларның 6 проценты исә финанс уңышы аларга еш елмаюын белдергән. Ә 56 процент кеше гомерендә беркайчан да көтмәгәндә зур суммада акча алмаган.

Көтелмәгән табышның иң киң таралган төре – урамда яки җәмәгать урыннарында акча табу. Сораштыруда катнашучыларның 58 проценты шундый очракны искә алган.

Респондентларның 37 проценты көтмәгәндә зур кэшбэк яки ташлама алуы турында сөйләгән. 25 проценты бүләккә акча алган, 22 проценты конкурсларда яки лотереяләрдә зур сумма откан. Ә 13 процент кеше элек биргән бурычының кайтарылуын финанс уңышы дип саный.

Россиялеләр өчен финанс бәхете көтмәгәндә акча табу белән генә чикләнми. Сораштыруда катнашучыларның 26 проценты югарырак хезмәт хакы алу өчен эш урынын бер тапкыр булса да алыштырган. 20 проценты көтмәгәндә хезмәт хакына өстәмә түләү алган.

Респондентлардан финанс яктан иң зур бәхет нәрсә булыр иде дип тә сораганнар. 44 процент кеше өчен төп хыял – акча турында борчылмыйча яшәү. 31 проценты мөһим максатка зур сумма туплауны, 30 проценты бүләк яки премия рәвешендә акча алуны уңыш дип саный.

Шулай ук сораштырылучыларның 28 проценты югары хезмәт хакы белән эшләргә, 27 проценты керемен арттырырга тели. Ә 20 процент кеше өчен чын финанс бәхете – кредитны вакытыннан алда түләп бетерү һәм бурычлардан котылу. Шул ук күләмдәге респондент зур суммада акча отуны да зур уңыш дип саный.

деньги. фото ти

Кызыклы яңалыкларны күзәтеп бару өчен безнең МАХ каналына кушылыгыз. 

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading