«Шоколадлы әкият» торты РЕЦЕПТЫ

Глазурь 6 аш кашыгы какао, 6 аш кашыгы шикәр комы, 14-18 аш кашыгы су, 50 гр атланмай белән ясала. Крем өчен 300 гр эремчекле (творожный – рус.) сыр, 180 мл сөт өсте (33 процентлы), 120-150 гр куертылган сөт, ванилин, 2 аш кашыгы какао, 3 аш кашыгы суытылган глазурь кирәк булачак.

Бисквит әзерләү өчен йомырканы шикәр комы белән ак төскә кергәнче кабартабыз. Шуңа май, кефир өстәп, аз гына бутыйбыз.

Катнашмага барлык коры ингредиентларны салып, миксерның акрын тизлегендә болгатабыз. Камырны 18 см диаметрлы формага салып, 170-180 градуста пешерәбез. Суынган бисквитны 4 өлешкә бүләбез. Бер өлешен ваклар өчен калдырабыз. Глазурь ясар өчен шикәр комы белән какаоны кушабыз, шуңа су өстибез. Яхшылап болгатып, утка куябыз. Болгата-болгата 2-3 минут кайнатабыз.Шуңа май салабыз. Май эреп беткәнче бутыйбыз. Әзер катнашманы суытырга куябыз. Кремны сыр, куертылган сөт һәм сөт өстен куерганчы болгатып ясыйлар. Шул катнашмага глазурь кушабыз һәм куерганчы болгатабыз. Тортны җыеп, төнгегә суыткычка куябыз.

Фото: ru.freepik.com