#Киңәш сандыгы 01 февраля 2024, 14:35

Бүлмә гөлләре белән бергә помидор да үстерә аласыз

01 февраля 2024, 14:35

Фән һәм техника көн саен алга бара. Галимнәребез дә тик ятмый. Кышын да тәрәзә төбендә үстереп яшелчә ашап була хәзер.

Скопировать ссылку

Мисалга, бүлмә гөлләре белән бергә помидор да үстерә аласыз.
Моның өчен түбәндәге сортлар туры киләчәк.

"Бүлмә сюрпризы" ("Комнатный сюрприз"- рус.). Ул 50 см озынлыкка кадәр үсә. Формалаштыру таләп итми. Слива формасында, 60 гр кадәр кызыл төстә була. 80-90 көн эчендә уңыш бирә.
"Бүлмә пигмее" ("Пигмей комнатный"- рус.). 25-30 см биеклектә, түгәрәк, кызыл төстә. Бик баллы бу помидорлар 25 гр чамасы була.

"Пиноккио". Чагыштырмача тәбәнәк (20-30 см) үсенте помидорлары 15-20 гр булачак. Декоратив, күп уңыш бирә торган сорт.
"Минибель". 30-40 см биеклектәге бу сортның помидорлары 15-25 гр була. Кызыл төстә, әчкелтем-баллы булып өлгерә.
"Снегирек". Үсенте 25-30 см булып үсә, помидорлары 20-25 гр. Кызыл, татлы булалар.

Фото: freepik.com

Кызыклы яңалыкларны күзәтеп бару өчен Телеграм-каналга кушылыгыз.