#Киңәш сандыгы 11 февраль 2020, 14:43

Кан басымын кайсы җиләк төшерә?

11 февраль 2020, 14:43

Нарат җиләге согы югары кан басымын көйли, кан тамырларының эшчәнлеген яхшырта, дигән фикергә килгән Хельсинки университеты галимнәре.

Скопировать ссылку

Фармакология кафедрасы докторы Энн Кивимяким гепертензияле лаборатория күселәрендә тәҗрибә уздырып караган. Өч ай дәвамында күселәргә мүк җиләге, нарат җиләге һәм кара карлыган согы биреп торганнар.

Әлеге җиләкләр составында полифеноллар күп, ул йөрәк һәм кан әйләнеше авыруларыннан саклый.

Эксперимент нәтиҗәләре нарат җиләге согының яшькә карамастан, кан басымын төшерүе ачыкланган. Ә башка соклардан андый тәэсир күзәтелмәгән. Димәк, кан басымы югары кешеләргә нарат җиләгеннән морс яки чәй ясап эчү бик файдалы. Тик бу даруны ташлап җиләккә күчү дигән сүз түгел. Кулланыр алдыннан табиб белән киңәшләшегез.

Кызыклы яңалыкларны күзәтеп бару өчен безнең МАХ каналына кушылыгыз.