Иң тәмле һәм чыдам кишер сортлары нинди?

Кишер үстерү - күп бакчачылар һәм дачниклар өчен кызыклы хобби.

Яшелчәчелек өлкәсендәге экспертлар фикеренчә, ачык грунтта үстерү өчен иң яхшы кишер сортлары арасында аеруча популяр ике вариантны аерып карарга мөмкин: Нандрин F1 һәм Забава F1. Бу ике сорт та кыйммәтле сыйфатлар белән аерылып тора.

“Нандрин F1”. Иртә өлгерә, югары уңышлы гибрид. Тулы шытымнардан өлгергәнлеккә кадәр вакыт – 75-95 көн. Эре, тигез, цилиндрик формада, озынлыгы - 15-20 см, кызгылт сары, каротинга бай. Ашарга да тәмле, саклау өчен дә яхшы.

Тагын бер популяр сорт— Забава F1. Аның төп өстенлекләре -  иртә өлгерә һәм озынлыгы 20-25 смга кадәр булып үсә. Туфракта дым артык булганда да ярылмый һәм череми. Авыруларга бирешми, пешерү, кышка әзерләү һәм чи килеш ашау өчен дә яхшы.

Фото: https://freepik.com