Үкчәне йомшарта торган носкилар кайда бар?

Үкчәне йомшарта торган носкилар бар дип ишеткән идем, ул дөрес әйберме һәм аны кайдан алырга мөмкин?

Раилә Кәримова.

Үкчәне йомшарта һәм аяктагы төрле авыруларны бетерә торган махсус оекбашларны даруханә һәм кибетләрдән сатып алырга мөмкин. Әлеге оекбашның составында сөт кислотасы бар, ул үлгән күзәнәкләрне һәм төрле яраларны бетерергә, яңа тирегә зыян китерми генә аякны йомшартырга сәләтле. Әлеге оекбаш түбәндәге авырулардан котылырга ярдәм итә һәм профилактика чарасы да булып тора:
гөмбә авырулары;
тирән яралар;
мозоль;
аяк талу;
аяк шешенү;
ялкынсыну.