Кишер орлыгын, чүпрәккә төреп, җиргә күмәбез

Кишер тиз тишелеп чыксын өчен, аны утыртыр­га ун көн кала, орлыкны чүпрәккә төрәбез дә (төенчек иркенрәк булсын) дымлы җиргә бер көрәк тирәнлегендә казып куябыз. Бу вакыт эчендә орлыкка тишелеп чыгарга комачаулый торган эфир майлары очып бетә. Ун көн үткәч, төенчекне җирдән казып алабыз. Орлыклар инде бүртеп чык­кан була. Аларны савытка салып, өстенә крахмал сибәбез. Крахмал орлыкны чәчкәндә кулга ябышмасын өчен кирәк. Орлыкларны түтәлгә кирәкле интервал калдырып чәчәбез. Өстенә туфрак сибәбез. Өч-биш көннән кишер тишелеп тә чыгачак.