Көнбагыш чәчне ялтырата

Сәламәт яшәү рәвеше алып баручылар һәм диетологлар, көнбагыш ашарга куша. Аны төрле авыруларны булдырмау максатыннан да кулланырга кушалар. Аларча, йөрәк-кан тамырлары системасы авыруларын булдырмас өчен, көненә 100 гр көнбагыш «чиртергә» кирәк. Көнбагыш бавыр авыруларын да җиңеләйтә икән. Спортчыларга һәм авыр физик эш белән шөгыльләнүчеләргә дә ул бик файдалы, чөнки көнбагыш мускулларны ныгыта.
Көнбагыштан алынган майны исә ашказаны-эчәклек тракты һәм үпкә авыруларын дәвалаганда, теш сызлаганда кулланырга була. Көнбагыш төшендә чәчкә уңай йогынты ясый торган цинк күп. Ул аны ныгыта һәм ялтыратып тора.
Тик торганда да елакка әверелсәгез, бер сәбәпсез кызып китсәгез, «көнбагыш терапиясе» үткәрегез: ун стакан көнбагыш сатып алыгыз да һәр кич берәр стакан ашагыз. Ун көннән тынычланырсыз.