Үләннәр ярдәм итә

Женьшеньны, икенче төрле, тормыш тамыры, диләр. Аннан озак вакытлар файдаланганда, организмның гомуми хәле яхшыра. Ул организмны төрле авыруларга каршы торучан итә, кан басымын нормага китерә.
Лимонник. Сулыш алу органнарына, күзләргә файдасы зур. Кандагы шикәр күләмен киметә. Ләкин аны кан басымы югары булганнарга, ашказаны авыртканнарга кулланырга ярамый.
Элеутерококк. Кан басымы түбән булганнарга файдаланырга киңәш ителә, гемоглобинны күтәрә һәм яраларны төзәтә. Ләкин гипертониядән җәфаланучыларга ул киңәш ителми.
Левзея. Мускул тукымасын үстерергә булыша, бавырга яхшы тәэсир итә, кан тамырларын киңәйтә, гемоглобинны күтәрә. Аны гипертония, күздәге кан басымы булганнарга кулланырга ярамый.