Матдәләр алмашын нәрсә яхшырта?

Алма һәм корица. Бер алманы нәзек телемләп турагыз һәм өстенә 500 мл кайнар су салыгыз. Шуңа 1 чәй кашыгы төелгән корица кушып бутагыз һәм суынгач, көн дәвамында эчегез. Әлеге төнәтмә ашкайнату системасын чистартырга ярдәм итәр. 

Лимон согы һәм бал. 2 аш кашыгы яңа гына сыгылган лимон согы,1 чәй кашыгы балны 200 мл суга салып бутагыз. Шуңа чеметем генә төелгән имбирь салып болгатып, иртәнге ашка 30 минут кала эчегез. Ашкайнату системасын чистартуда тыш, тамырларны да ныгытачак. 

Имбирьле эчемлек. 3-4 см зурлыктагы имбирьнең тышын әрчеп, вак итеп турарга. Шуның өстенә 1 литр су салып, кайнатып чыгарырга һәм уртача утта 10 минут кайнатырга. Суынганнан соң аз гына төелгән корица һәм берничә кашык гөлҗимеш сиропы салырга. Көн дәвамында, ашарга ярты сәгать кала, 100-150 мл эчәргә. 
Кызыл чөгендер согы. 1 кызыл чөгендер, 2 алма, сельдерейның согын сыгып, көнгә ике тапкыр (иртән һәм кичен) ашарга ярты сәгать кала 1 әр аш кашыгы эчәргә. 

Сәламәтлек коктейле. 1 әфлисун, 1 лимон һәм 1 кишернең согын сыгып, 100 мл минераль су белән кушып бутарга. Ач карынга, ашарга 30 минут кала эчәргә. Бу коктейль арыганлыктан бик ярдәм итә, чөнки антиоксидантларга бай. 
P. S. Алдан белгеч белән сөйләшү сорала.

Фото: ru.freepik.com