Нашатырь спирты чистарта һәм ялтырата

20 грамм акбур яки теш порошогы, 1 стакан су, 1 аш кашыгы нашатырь спиртыннан ясалган катнашма көзге белән тәрәзәне чистарта, аның белән юганнан соң, йомшак чүпрәк белән сөртегез.

Буялган идәнне бер чиләккә ике аш кашыгы нашатырь спирты салып юыгыз.

Перламутр төймәгез пычранса, нашатырь спирты белән сөртеп алыгыз.

Йодадан калган тапны нашатырь спирты бетерә.

Кулчатырны чистарту өчен бер литр суга ярты стакан нашатырь спирты салынган эретмә кулланыгыз.

Акбур белән нашатырь спиртыннан торган катнашма көмеш кашыкларны ялтырата.